النهارضة هفضفض معاكم من غير حذف كلام علشان أحساس حد ولا شعور حد هتكلم
من قلبى للبوست بس بنسبة 93% لاكن ال3% مش هقدر أحكى عليهم فى البوست أفضل أخليهم فى قلبى أحسن
وهحكيلكم عن اللى حصلى بالظبط
أمبارح وأية اللى أكتشفتة من المواقف اللى حصلتلى أولا : كنا قاعدين مع الأستاذ ساهر
جاد اللى المفروض منسق أعلامى لمصرين ضد
التعذيب قالنا أن فى واقفة علشان أحمد صابر الشاب اللى عندة 21 سنة ضربوة فى
قسم العمرانية وزرموة فى الشارع ولاد ال......(أملأ الفراغ كما تحب)وأصابتة بجروح
خطيرة أثى تعذيبة وتوفى بعد ثلاثة أيام من تعذيبة قولنا طبعا لازم نشارك فى حاجة
زىكدا ويكون لينا موقف قولنا خلاص أحنا متضامنين معاكم وهنساعدكم وأتفقنا على
ذلك ودا كان اخر لقاء (بساهر جاد) يوم الثلاثاء ومن يومها لم أرى لة وجة
ثانيا: روحت أنا وبن ناصر والجيزاوى وشاهندا وشمس الوقفة الأحتجاجية أحنا
روحناها بأسم حركة يلا نفضحهم شمس راح مستقل مش
مع يلا نفضحهم علشان الرغى بس فى الموضوع دا أصل يلا نفضحهم تقريبا (بعبع) مش عارفة فى أية الناس أتجننت خلاص ماعلينا
عدينا للجهة المقابلة للقسم ومش قادرة ققولكم على منظر الأمن زى ميكون أسطول رايح يحارب هيتجمعوا كدا بأذن الله يوم الحشر وهيتعمل
فيهم أكثر من اللى بيتعمل فينا ،المهم لقينا مين أثنين من بتوع كفاية شموا الخبر جم على أنها حركة منظماها مصريين ضد التعذيب روحنا
كلماناهم قلولنا خلاص ياجماعة مفيش واقفة ولا حاجة مفيش حد جية والعدد كدا قليل فخلاص روحو ا سيبناهم وقولنا نشوف أية الموضوع
مع مصريين ضد التعذيب كلمنا نوارة قالت أنها كانت جاية ورجعت علشان محدش عايز يروح الهرم ؟؟؟
قولنالها حد جاى منكم ثانى نستناة قالتلنا لا خلاص روحوا وبالفعل كنا مروحين لولا شاء القدر وحدث ماحدث كنا ماشيين على نفس
الصف اللى فى الجهة المقابلة للقسم متجهين اللى المترو شاء القدر أننا نعدى فجأة هتقوقولى عديتة لية اتجاة القسم هقولكم معرفش المهم لما
عدينا لقينا بثينة كامل بتاعت الدستور كلكم عارفينها أكيد يست (رايقة طحن) قال أية جاية تولعلى شمعة قدام القسم مشيت قدام شوية لحد
القسم جت تولع الشمعة الأمن أتلم عليها واللى كان معاها أضرب وأتروق المهم قولت أنا بقى ألحق أطلع أصور المشهدلغيت طبعا وضع
الفلاش اول مرة صورت صورة جامدة وهما بيزقوها ثانى صورة طلعت مهزوزة ساعة ماكانوا بيضربوا اللى كان معاها قلت أصوور
واحدة ثانية شاء القدر مرة أخرى وتغير وضع الكاميرا الى الفلاش وهنا أبتديت المشكلة سابوا بثينة كامل واللى كان معاها وأتلموا عليا زى
مكون حرامية ولا عاملة عاملة اللى شيشد الشنطة من ناحية الكاميرا من ناحية ثانية وأنا قاومت بس مقدرتش كان هجوم الجبابرة أنما كان
فى راجل بجد معايا شافنى فى الموقف دا مسكتش دخل وحاش عنى وأضرب بسببى طبعا كلكم عرفتوة رمز الشهامة والرجولة (أحمد
الجيزاوى )بجد يا أبو أحميد مش عارفة أردلك الجميل أزاى المهم بعد ماحاش عنى الكلاب اللى كانوا حوليا الكلاب خدوة على عربية من
عربيات الأمن ومعرفناش عنوا حاجة بهدلت الدنيا بس مقدرتش وزعقت علشان يخرجوة بس معرفتش كانوا هياخدونى انا كمان لولا
زمايلى حاشونى كان كمان فى رجالة كمان كانوا هناك مدونين زمايلنا طبعا منهم دماغ
ماك وأسد وتامر وسعدونى أنهم يرجعوا شنطتى
والكاميرا والموبايل واحد محترم من حزب الغد ناسية أسمة والله يعرف ظابط راجعلى
الحاجة بتاعتى ظابط بجد محترم وأتعامل معايا بكل
أحترام لاكن أحمد قعدوة لحد الساعة الصبح لحد مانشفت من الخوف علية بس الحمد
لله هو خرج الساعة 6 الصبح أنهاردة ودلوقتى
كويس
من قلبى للبوست بس بنسبة 93% لاكن ال3% مش هقدر أحكى عليهم فى البوست أفضل أخليهم فى قلبى أحسن
وهحكيلكم عن اللى حصلى بالظبط
أمبارح وأية اللى أكتشفتة من المواقف اللى حصلتلى أولا : كنا قاعدين مع الأستاذ ساهر
جاد اللى المفروض منسق أعلامى لمصرين ضد
التعذيب قالنا أن فى واقفة علشان أحمد صابر الشاب اللى عندة 21 سنة ضربوة فى
قسم العمرانية وزرموة فى الشارع ولاد ال......(أملأ الفراغ كما تحب)وأصابتة بجروح
خطيرة أثى تعذيبة وتوفى بعد ثلاثة أيام من تعذيبة قولنا طبعا لازم نشارك فى حاجة
زىكدا ويكون لينا موقف قولنا خلاص أحنا متضامنين معاكم وهنساعدكم وأتفقنا على
ذلك ودا كان اخر لقاء (بساهر جاد) يوم الثلاثاء ومن يومها لم أرى لة وجة
ثانيا: روحت أنا وبن ناصر والجيزاوى وشاهندا وشمس الوقفة الأحتجاجية أحنا
روحناها بأسم حركة يلا نفضحهم شمس راح مستقل مش
مع يلا نفضحهم علشان الرغى بس فى الموضوع دا أصل يلا نفضحهم تقريبا (بعبع) مش عارفة فى أية الناس أتجننت خلاص ماعلينا
عدينا للجهة المقابلة للقسم ومش قادرة ققولكم على منظر الأمن زى ميكون أسطول رايح يحارب هيتجمعوا كدا بأذن الله يوم الحشر وهيتعمل
فيهم أكثر من اللى بيتعمل فينا ،المهم لقينا مين أثنين من بتوع كفاية شموا الخبر جم على أنها حركة منظماها مصريين ضد التعذيب روحنا
كلماناهم قلولنا خلاص ياجماعة مفيش واقفة ولا حاجة مفيش حد جية والعدد كدا قليل فخلاص روحو ا سيبناهم وقولنا نشوف أية الموضوع
مع مصريين ضد التعذيب كلمنا نوارة قالت أنها كانت جاية ورجعت علشان محدش عايز يروح الهرم ؟؟؟
قولنالها حد جاى منكم ثانى نستناة قالتلنا لا خلاص روحوا وبالفعل كنا مروحين لولا شاء القدر وحدث ماحدث كنا ماشيين على نفس
الصف اللى فى الجهة المقابلة للقسم متجهين اللى المترو شاء القدر أننا نعدى فجأة هتقوقولى عديتة لية اتجاة القسم هقولكم معرفش المهم لما
عدينا لقينا بثينة كامل بتاعت الدستور كلكم عارفينها أكيد يست (رايقة طحن) قال أية جاية تولعلى شمعة قدام القسم مشيت قدام شوية لحد
القسم جت تولع الشمعة الأمن أتلم عليها واللى كان معاها أضرب وأتروق المهم قولت أنا بقى ألحق أطلع أصور المشهدلغيت طبعا وضع
الفلاش اول مرة صورت صورة جامدة وهما بيزقوها ثانى صورة طلعت مهزوزة ساعة ماكانوا بيضربوا اللى كان معاها قلت أصوور
واحدة ثانية شاء القدر مرة أخرى وتغير وضع الكاميرا الى الفلاش وهنا أبتديت المشكلة سابوا بثينة كامل واللى كان معاها وأتلموا عليا زى
مكون حرامية ولا عاملة عاملة اللى شيشد الشنطة من ناحية الكاميرا من ناحية ثانية وأنا قاومت بس مقدرتش كان هجوم الجبابرة أنما كان
فى راجل بجد معايا شافنى فى الموقف دا مسكتش دخل وحاش عنى وأضرب بسببى طبعا كلكم عرفتوة رمز الشهامة والرجولة (أحمد
الجيزاوى )بجد يا أبو أحميد مش عارفة أردلك الجميل أزاى المهم بعد ماحاش عنى الكلاب اللى كانوا حوليا الكلاب خدوة على عربية من
عربيات الأمن ومعرفناش عنوا حاجة بهدلت الدنيا بس مقدرتش وزعقت علشان يخرجوة بس معرفتش كانوا هياخدونى انا كمان لولا
زمايلى حاشونى كان كمان فى رجالة كمان كانوا هناك مدونين زمايلنا طبعا منهم دماغ
ماك وأسد وتامر وسعدونى أنهم يرجعوا شنطتى
والكاميرا والموبايل واحد محترم من حزب الغد ناسية أسمة والله يعرف ظابط راجعلى
الحاجة بتاعتى ظابط بجد محترم وأتعامل معايا بكل
أحترام لاكن أحمد قعدوة لحد الساعة الصبح لحد مانشفت من الخوف علية بس الحمد
لله هو خرج الساعة 6 الصبح أنهاردة ودلوقتى
كويس
.............................................................................................................................................................
معلشى شيدت خط علشان اللى هقولوا دا مش تبع الناس الجدعان اللى فوق
أخدت أذن من الجيزاوى لما رجع أنى أرد عليكم براحتى
مش واخدين بالك أنى مذكرتش مصريين ضد التعذيب علشان طلعوا مش رجالة ولا راقيين بفكرهم عرفنا أن وصل عددهم الى 45 شخص أغلبهم فتيات لما عرفوا باللى حصلنا ولا
عبرونا ولا جم يطمنوا على زميلهم المدون أحمد الجيزاوى طلعوا أندل ناس شفتهم بحياتى نفضوا لينا وروحوا على بيتهم يعنى أحنا جايين
منضمين معاهم وكنا هنبقى كتلة واحدة وكنا خرجنا أحمد على طول بدل البهدلة يسبونا
بالمنظر دا وغير الكلام اللى أتقال أن أحمد حزب
عمل ملناش دعوة بية يعنى هو كدا كافر ولا ملحد والله لو ملحد لكنتم أتلميتم وأنا متأكدة
من كدا أنا حكمت خلاص عليهم أنهم أندل ناس شوفوا أنتم هتحكموا عليهم بأية ؟
أنما هما فى الكلام حلو أوى فى مؤتمراتهم وأجتماعتهم يعلنون توحدهم على هدف واحد
مهما كانت أنتماتهم الحزبية أو الدينية واننا نكون
أسرة واحدة فين الكلام دا بلا نيلة وخيبة عليكم مطلعتوش رجالة زى مكنت متخيلاكوا روحتوا وكبرتوا للموضوع
ملحوظة :نوارة الوحيدة اللى كتبت على طول بوست وتضامنت مع أحمد من مصريين
يالاأدينى عرفت مين النشطاء والمدونين الصح مش بالأسامى أصلها بالمواقف
وأهم حاجة ان أحمد رجعلنا بالسلامة والكلاب سبوة دا أقل وصف أوصفهم بية كلاب البلد ربنا يبعدهم عننا
معلشى شيدت خط علشان اللى هقولوا دا مش تبع الناس الجدعان اللى فوق
أخدت أذن من الجيزاوى لما رجع أنى أرد عليكم براحتى
مش واخدين بالك أنى مذكرتش مصريين ضد التعذيب علشان طلعوا مش رجالة ولا راقيين بفكرهم عرفنا أن وصل عددهم الى 45 شخص أغلبهم فتيات لما عرفوا باللى حصلنا ولا
عبرونا ولا جم يطمنوا على زميلهم المدون أحمد الجيزاوى طلعوا أندل ناس شفتهم بحياتى نفضوا لينا وروحوا على بيتهم يعنى أحنا جايين
منضمين معاهم وكنا هنبقى كتلة واحدة وكنا خرجنا أحمد على طول بدل البهدلة يسبونا
بالمنظر دا وغير الكلام اللى أتقال أن أحمد حزب
عمل ملناش دعوة بية يعنى هو كدا كافر ولا ملحد والله لو ملحد لكنتم أتلميتم وأنا متأكدة
من كدا أنا حكمت خلاص عليهم أنهم أندل ناس شوفوا أنتم هتحكموا عليهم بأية ؟
أنما هما فى الكلام حلو أوى فى مؤتمراتهم وأجتماعتهم يعلنون توحدهم على هدف واحد
مهما كانت أنتماتهم الحزبية أو الدينية واننا نكون
أسرة واحدة فين الكلام دا بلا نيلة وخيبة عليكم مطلعتوش رجالة زى مكنت متخيلاكوا روحتوا وكبرتوا للموضوع
ملحوظة :نوارة الوحيدة اللى كتبت على طول بوست وتضامنت مع أحمد من مصريين
يالاأدينى عرفت مين النشطاء والمدونين الصح مش بالأسامى أصلها بالمواقف
وأهم حاجة ان أحمد رجعلنا بالسلامة والكلاب سبوة دا أقل وصف أوصفهم بية كلاب البلد ربنا يبعدهم عننا
هناك ١٤ تعليقًا:
ماهو يا ايناس الشدائد هي اللي بتبين معادن الرجال يعني انتي كده عرفتي مين معدنه كويس ومين لا كمان دي تجربه اكيد انتي هتستفيدي منهاوابقي خليبالك من نفسك ومن الفلاش كمان والحمد لله انه الجيزاوي خرج بخير
الجيزاوي عمل اللي المفروض اي راجل يعمله وخدين بالكم من الكلمه ديه راجل يعني مش حركات واجتماعات وعالم بق علي الفاضي بتخاف من خيالها متذعليش نفسك الجيزاوي واخد علي كدا انا امبارح منذر لما قالي قلتله عادي ده الطبيعي بتاع جيزاوي انه يبقي جو المعتقل مش بره امي الباقي دول مناضلين من منازلهم يلا اصنام في اصنام وهي مشيه
نوسة صدقيني انا بصدق على كل اللي قلتيه لكن مبدئيا يلا نفضحهم مش بعبع و لا حاجة بس دة موقف شخصي و انتي كنتي عارفة تفسيرة
اما عن الجيزاوي اللي انا ندمان اني مكنتش معاه ساعتها فعمل اللي اي راجل ممكن يعمله و خدي بالك من كلمة راجل يعني لا سياسي و لا مدون
اما بقيت الاندال ربنا معاهم و يهديهم
يا انسه ايناس كلمه واحده بس الجيزاوي خرج بعد نص ساعه من القبض عليه من مصادر موثوق منها ولم رعرض علي نيابه ولا دياوله وما هي الا تمثيليه معهوده من اجل لفت الانظار ربنا يستر علينا
انا عضو اللجنة الإعلامية لمصريون ضد التعذيب بمحافظة الغربية والدقهلية واعتقد لو فيه حد من مؤسسين مصريين ضد التعذيب هايكون عارف الكلام ده
اللي قال ان مصريون ضد التعذيب متكلمتش عن الجيزاوي واهملت الجيزاوي يبقى لامؤخذة مبيعرفش حاجة
اولاً ده تقرير صادر عن مصريون ضد التعذيب بخصوص وقفة العمرانية التي لم تتم بسبب الحصار الأمني المكثف
1 - م الأفراج عن الأخ أحمد و ذلك في مكالمة تليفونية معه و قد قدمت حركة مصريون ضد التعذيب بلاغ للنائب العام مساء أمس حول أختطاف احمد
تقرير من مصريون ضد التعذيب
الشرطة تمنع اول مظاهرة ضد التعذيب
· حصار كامل للمنطقة و ارتباك مرروى يصل لوسط المدينة
· القبض على ليلى سويف وتركها فى الطريق الصحراوى
· اختطاف الجيزاوى الى مكان مجهول
· الاعتداء ضربا على المتظاهرات وخطف حقائبهن
استمرارا لسلسلة انتهاك الدستور والقانون وقمع الحريات العامة قامت الشرطة بالقوة بمنع مظاهرة دعت اليها "مصريون ضد التعذيب" التى كان مقررا أقامتها أمام قسم شرطة العمرانية بالهرم ضد سلخانة التعذيب والقتل فى هذا القسم.واحتجاجا على ممارساته الاجرامية ضد المواطنين ، قامت الشرطة باحتلال المنطقة الواقعة بين نفق الهرم وقاعة سيد درويش باعداد ضخمة من جنود الامن المركزى المزودين بالهراوات الى جانب فرق الكراتيه التى ترتدى الزى المدنى.
كما قامت الشرطة باغلاق عدد من الطرق المؤدية الى شارع الهرم وعدد من الفتحات المرورية الموجوده فى الجزيرة الوسطى من الشارع مما اربك حركة المرور فى ميدان الجيزة والشوارع المتفرعة منه شمل كل أحياء الجيزة حتى وصل اثره الى وسط الاهرة.
كما قامت الشرطة بحصار كل فرد على حدى من المتواجدين للتظاهر ومنهم كمال ابو عيطه واحمد سيف حمد وطاردت اعضاء الحركة فى الشوارع الجانبية المحيطة بالقسم كما اختطفت الدكتورة ليلى سويف فى سيارة أجرة الجيزة رقم 413705 ولم يتركوها الا منتصف الليل فى احد الطرق السريعة خارج الجيزة .
احمد الجيزاوى المدون النشط ومحامى التعذيب تم اختطافه عندما كان يدافع عن الزميلة ايناس حسن -التى اعتدى عليها الجنود ضربا واختطفوا حقيبتها عندما حاولت تصوير مايجرى- ولم يتم الافراج عن الجيزاوى حتى الان
وقد اعلنت "مصريون ضد التعذيب" ان هذه التصرفات التى قامت بها الشرطة دليل على ارتباك وعجز النظام وليس دليل قوة.
وأكدت ان مصريون ضد التعذيب تدين كل هذه الاجراءات القمعية وهى متوقعة من جهاز ينتهك حقوق الانسان التى وصلت فى تجاوزها الى حد قتل المواطنين خارج القانون فانها تؤكد استمرارها فى مناهضة كافة اشكال التعذيب بكل الطرق السلمية والقانونية وتمسكها بحق التجمع السلمى والتظاهر كحق من حقوق المواطنين وجزء اصيل من الحريات العامة.
......
وهذا التقرير تم نشرف في الجروب الخاص بمصريون ضد التعذيب وهذا اللين الخاص بالرسالة
http://groups.yahoo.com/group/EgyptiansAgainstTorture/message/69
كما نشر ايضاً في منتدى الحركة المصرية من اجل التغيير كفاية وهذا رابطه
http://www.forum.harakamasria.org/showthread.php?t=12736
يبقى كدة مجموع البلاغات المقدمة للنائب العام حول اختفاء الجيزاوي اتنين واحد مقدم من الأستاذ حسن كريّم ( حزب العمل ) والتاني من مصريون ضد التعذيب واحمد عارف محامين مصريون ضد التعذيب اللي هو واحد منهم وانا بصفتي عضو لجنة اعلامية لمصريون ضد التعذيب كنت اتابع وانشر ما يحدث للجيزاوي ولم انام الا بعد خروج الجيزاوي والأخت صاحبة المدونة تشهد بذلك
ومع ذلك الكل عمال يخبط وخلاص ولا حد تعب نفسه وبحث او دور
هو ابو الهول نطق ولا لسة ؟؟
بخصوص الليينكات الخاصة بأماكن نشر التقرير نظراً لخطأ فني لم تستطيع الوصول من اللينكات السابقة لأن يبدو ان هناك خطأ تقني بسبب طولها
بينما يمكنكم زيارة التقرير من هذة الروابط وهي ستحولكم الى الروابط الأصلية
اللينك الخاص بالجروب
http://tinyurl.com/2hrzz7
اللينك الخاص بمنتدى كفية
http://tinyurl.com/2xfvy8
ياأستاذ مجهول ياريت كنت قلت مين حضرتك علشان نعرف بس بنكلم مين
لو أفترضنا أن الجيزاوى بيحور وخرج زى مأنت بتقول لاكن أنا عمرى ماشكيت لحظة فى كدا المهم مينفعش بعد نص ساعة هقولك لية لأنى عملت قلق لمدة نص ساعةفعلا قدام القسم علشان يسيبوة يبقى خرج أزاى وانا واقفة قدام عربية الأمن المركزى اللى كان فيهاوهو مقالش نيابة ولاحاجة انتم كمان هتقولوة يبقى مين المصدر الموثوق دا علشان اكلمة
الراجل مقالش اتعرض ولا حاجة أنا هسيبك للبوست بتاعة أقنعتة أنة يكتب بوست بحاجات من اللى حصلتلة بخصوص الوقت علشان الألسنة بس
أنا أكتشفت أنكم بتعملوا تهويل أوى ولو حضرتك مدون يبقى أنتم مدونين بتحبوا تتكلموا كثير شغل ستات بيوت صحيح
وربنا يستر علينا ياسيدى جميعا
أنا نقلت الصورة مش من الجيزاوى بس
لاء من العقل والمنطق بيقولوا كدا ولو
عندك دليل ياريت تقدمة.........
بص بقى يا ششتاوى باشاانا مبتكلمش عن
البوستات والكلام والكتابة حلو أوى
دا شعور نبيل للناس اللى كانت قاعدة
فى بيوتها على النت من مصريين او لما رجعوا
من فسحتهم بعد ماخلعوا ولا سألوا عنا
كلام جميل أنا مبطلبش شحاتة من حد يقف
جنبنا دى بتبقى أصل يابنى وأستعناء
بزمايلهم وليس ظهور على الساحة
الأعلامية فقط انا أستغربت جدا أزاى
يسيبوا واحد تباعهم كدا ويروحوا انا
متعاملتش معاهم بس الجيزاوى منهم أصلا
ومن ضمن اللجان يبقى لية يعملوا كدا
انا عايزة رد على الموضوع دا مش أكثر
أنما بالنسبة أنهم قدموا بلاغ للناب العام فدا كذب
علشان الجيزاوى فعلا راح انهاردة
النيابة وأدلى بأقوالة قولتلوا مين
اللى ودا معاك محامى قالى حزب العمل وليس مصريين ضد التعذيب وياريت تتصل وتسألة علشان تتأكد
بعتوا معايا محامى دا غير أنة محامى أصلا
سلام
على العموم هناك مثل شعبي جميل اوي وانا مؤمن بيه جداً وهو
المية تكدب الغطاس
على العموم ياريت مادام انتي متأكدة كدة انهم كانو في بيوتهم وعلى النت تجهزيلي قايمة بأساميهم ولكي عليا اخلي فضيحتهم بجلاجل بس قوليلي كام اسم كدة من بتوع الناس اللي كانت قاعدة في بيوتهم دي بس علشان يبقى على عينك يا تاجر والكل يعرف
واطلب من الأخ الغير معروف اللي مشكك في كلام الجيزاوي ان يشرح لنا وجهة نظره لأني لا احب الكلام العائم الغير مسنود الى منطق
ياريت تقرا التعليق اللى قبل مترد علية ياششتاوى كويس وهخدلك الكلام كوبى بيست من فوق
دا شعور نبيل للناس اللى كانت قاعدة
فى بيوتها على النت من مصريين او لما رجعوا
من فسحتهم بعد ماخلعوا ولا سألوا عنا
أنا قلت دا أو دا الله أعلم
وعجبنى أوى صحيح تعليق نوارة على
الموضوع بجد جابت من الأخر وفهمت الغلط فين ولمين بصراحة طلعت دماغ ربنا يحميها
اولا جزاكى الله خيرا
يا ايناس واشكرك على هذا البوست الجميل والكلام الرائع فى حقى والله جعلنى اسعد انسان وزاح من على صدرى الكثير
* اما الاخ المجهول ممكن اسئل هضرتك سؤال محيرنى جدا هنفرض انك صح مثلا طيب كلامك صح النصف ساعه بتوعك التى حبست عنى حريتى فيهم وما ادراك والله هو اعلم بالباقى من سيعودنى عنهم استهتارك انهم نصف ساعه انا و وحوش فى صورة بشر بلا حمايه بلا قانون من يحمينى
هذا لو فرضنا ان كلامك صحيح و المصدر الموثوك بهى بتاعك كلامه صحيح ايضا
ايضا من يعوضنى عن كرامتى البشريه الانسانيه التى اهينه فى الشارع من يعوض ايناس عن الاهانه التى تعرضه له وهى بنت من جزب وشد معها المشكله هى انك تقول الجانى احتبس الضحيه واهان كرمته وحريتها لمدة نصف فقط وليس 7 سعات ولهذا الموضوع بسيط ولا دداعى لقلق وعادى
يا سيد يا مجهول اولا انا لا اكن لك اى عداوة ولكن انا اطلب منك فقط تعويض عن عن نصف ساعه حبس لحريتى والباقى سوف اعفيك منه هل تقدر ان تعوضنى عن نصف ساعه محروم من الحريه والكرامه لا يكون معك فيهم للا الخوف وانتظار المجهول اعتقد ان الدنيا وما فيه لا تعودنى عن دقيقه وليس نصف ساعه كما تقول
احمد الجيزاوى
صباح الخير يا نوسا
ايه ده كله
اللى بيحصل من ورايا ده
انا فتحت اللينك اللى بعتيه فلفت نظرى العنوان ده
وقريت
لقيت فيه بذرة وعى بكل الللى كلمتك عنه قبل كده
واحده واحده هتوضح الامور اكتر
لما كنت اتكلم بنفس منطقك مع بطه او شمس بالذات كانو شايفين ان ده تشاؤم مبالغ فيه
لكن هى حقيبقة اختلاط مع الناس
كل الحكايه انك لسه فى الاول
اختلاطك مهما وصل فهو قطعا محدود نسبيا بما حدث فى فترة انتخابات الرئاسه
ماقبلها
وما تبعها
كانت ايام
قدرنا بعدها نفرق بين الشخص اللى بيقف قدام الكاميرا
واللى بيقف فى ميادين المظاهرات تحت المطر!!!!!
اكتشفت مع الوقت ان المرضى النفسيين مش بس فى العباسيه
لا
دا فى مرضى نفسيين كمان ببدل وكرافتات شيك
ومثقفين كمان
وبيقعدو على المنصات
============
ماعلينا
المهم انك لو ركزتى على زاوة الرؤيه دى
هتبدأ الأمور توضح ادامك
واحده واحده
زى ما حصل معانا كلنا
=============
لفت نظرى كلمة .. كلنا بنحب مصر لكن حب عن حب يفرق
الله ينور عليكى
هو ده مربط الفرس
فى ناس بتمر بمرحله بتعتقد فيها
ان غيابها عن شاشات التليفزيون
او منم الاخر
فصلها من التليفزيزن
ممكن تعوضه بالظهور بطريقه تانيه
وناس فاكرة مصر بايته فى الشارع فى انصاص الليالى
وناس بتدور على مصر فى قاعات المؤتمرات المكيفه
وناس بتجامل مصر بكام بوست بصوابع ايديها على كى بورد الوطن
لكن وسط ده كله
فى ناس شافت مصر تانيه
شافت مصر بعيد عن قهاوى وقرف وسط البلد
شافت مصر مبتشربش شيشه لنص الليل
شافت مصر مش مدمنه يفط وكلام مستهلك
فى ناس قررت بالتجربه
تشوف مصر بكرة الجاى
تشوف مصر فى فى عمل وزوجه وولاد يتربو صح يتعلمو صح علشان يقدرو يبنو اللى مقدرناش نبنيه
ناس زهقت من مصر الللى يادوب غيرهم بيشوفها وهو قاعد على كرسى وكى بورد وشاشة كمبيوتر
مصر المكيفه
مصر بكباية نسكافيه
ناس لسه معتقده ان النضال فى ايميل وبوست و اس ام اس
هما دول مرضنا الحقيقى
المستخبى
على الاقل الكلاب الباقيين واضحين
كلاب على عينك ياتاجر
اما دول ففى وسطنا
وبيتكلمو كلامنا
ومع ذلك .. كل يغنى على ليلاه
هما دول فيروس الويندوز
ويندوز البلد
عاش الجيزاوى
يسقط حسنى مبارك ويسقط على منخاره ويسقط حكومه العسكر وتسقط المدونين اللى بيرغو فى الفاضى
عاش الجيزاوى
يسقط حسنى مبارك ويسقط على منخاره ويسقط حكومه العسكر وتسقط المدونين اللى بيرغو فى الفاضى
إرسال تعليق