المتمردة

معارضة هس هس

2008-04-25T06:05:00.003+03:00

أولاُ قبل مأكتب البوست أحب أقول لفتاة الفيس بوك " إسراء عبد الفتاح " حمداُ للة على سلامتك كنت أتمنى الحديث معك مطولاُ ليس لتجميع معلومات عن ماحدث لك ولكن لحبى لمعرفة فتاة مثلك أعلم أنك وضعت فى المكان الخاطىء ولم يكن لك أى نشاط فعال أو خطر داهم على النظام المصرى كما قالوا ليحبسوكى فى معتقل العادلى ولكن أريد أن أعلمك شيئاُ ولمن يصمت من شعب مصر أن النظام لم يعد يطرق باب النشطاء والمناهضين لنظام الحكم فقط ولكن يطرق باب كل مواطن يعيش بمصر لأتفة الأسباب .... وأقول لوالدتك رسالة

فتاتك لم تكن الضحية ولا تتعجبى مما حدث يجب أن تعرفى أن ال 80 مليون مصرى محبوس فى قلعة محصنة فأنا معك فى خوفك على أبنتك ولكن يجب أن تفخرى بأبنتك لكل أم يجب أن تعلم ذلك أننا نعيش بسجن خارج المعتقل فما الفرق بداخلة وأنت حر ونزية فعلت مايملية علية ضميرك تجاة هذا الوطن

.................................................................................................................................

نخش بقى الكلمتين اللى عايزة أقولهم

فينك يامعارضة ماطلعتيش صلبة طلعتى خرعة وماتستحمليش نفخة أية اللى أنا شايفاة دة معارضة بتعيط ومعارضة نايمة فى البيوت ومعارضة راح عليها الزمن ومعارضة قالت جاى من الحكومة وجابروتها ومعارضة قبضت وقعدت فى البيت ومعارضة بتاخد فلوس من الأجنبى وبن الزوات ماقدرش أقول دلوقتى غير خسارة وياميت خسارة عليكى يامعارضة ولا أقولكم لاء مش المعارضة هى اللى خسارة الخسارة فى الى أمتثلوا ليها هما اللى خسارة فيهم ينتسبوها كل يوم بكتشف أن خلاص مابقاش فى رموز الواحد يخدها عبرة ومثل لية كل يوم ألاقى

النزية المعارض الشرس أتحول لكلب من كلاب الحكومة وحتى اللى لسة مابقاش كلب من كلابهم قاعد بيعيط على اللى خدوة وأعتقلوة ونسينا قضيتنا الحقيقية سيبنا أية للناس العاديين اللى ولا ليهم فى كلام ولا صوت أة يابلد مالكيش سند

عماليين نشك فى بعضنا وفرحنا فينا الكلاب خايفين من أية ولا هانشك على أية مهو كل حاجة بنعملها فى النور هو احنا تنظيم سرى وأنا مش واخدة بالى أنا كنت كدة بشك فى اللى حوليا لكن أعلنت منذ هذة اللحظة ألا أضع حسبة لتلك الأمور حتى لا ينجح الكلاب فى تحقيق أهدافهم وهى زعزعة المعارضة لاء مش هحقق ليكوا الهدف دة ، وكمان فى نقطة مهمة جداُ المعارضة أصبحت منصب إعلامى كبير ناس بتحب تطلع قدام التليفزيون كثير وناس تحب تدخل المعتقل علشان يقولولوا كفارة يابطل راجل من دهر راجل ودة مابيكنش قدر ولا مكتوب ودة بيبقى قلة ذكاء وحرص أحب أقولكم لازم نفضل برة على قد مانقدر ماتقولوليش بقى هو بإيدينا هاقولكم أغلبها بيبقى بإيدكم مافيش ذكاء ولا دهاء فى التعامل مع الخصم اللى قدمكم هاذكر حدث قريب حصل " مجدى حسين " قال موقفين بصراحة موتونى من الضحك مع إعتذارى لمجدى حسين ومحبية اللى أنا منهم بس بجد مش قادرة لازم أقولهم قال على الموقع بتاع حزب العمل قائلاُ : سحبت عفوى عن وزير الداخلية بعدما أعتقلت إسراء أهذة كلمة يجب أن تقال من رجل معارض لسياسات النظام وعبارة أخرى عندإضرابة عن الطعام بجامع " عمرو بن العاص من أجل أيضاُ الإفراج عن إسراء قائلاُ: سحبت عفوى عن حسنى مبارك لأجل إسراء

ماذا تعنى كلمتى " سحبت عفوى " بالله عليكم أريد أن يحدثنى أحد ليقول لى ما معنى هاتين الكلمتين أأنت تعفوا من قبل إعتقال إسراء عن وزير الداخلية ومبارك ؟ هذا سؤال أريد أجابتة

وأيضاُ شىء آخر تعجبت منة أيضاُ مامعنى تهديدك على موقع الحزب العمل بخروج إلى قصر الرئاسة لتحتج هناك هذا شىء أثار إشمئزازى هذة لم تكن بشجاعة بل تهور مع إعتذارى للكلمة ماهدف ذلك لو فعلتها هذا لم يعد ضغط على وزير الداخلية لإخراجها فلم أتحدث فى ذلك كثيراُ

بل أتحدث فما فعلوة بك وبمن معك أفتحموا المسجد وأنهالوا عليكم بالضربات العشوائية أهذا هو الفداء الجميع غالطك فى هذا الموقف فإسمح لى بمغالطتى لك ولما فعلتة فحزنت حينما سمعت خبر الأعتداء عليك ومن معك فيجب أن نكون مثال للشباب

................................................................................................................................................

أنا شديت خط علشان اللى هقولة دلوقتى لم يتعلق بالمعارضين بل بممثلى المعارضة وحينما نبحث عن ممثلين جدد لها رأيت ممثل أول أمس وهو الكاتب العظيم " مجدى الجلاد" رئيس تحرير جريدة" المصرى اليوم" أعتذرت لعينى ولعقلى ولتذوقى للقراءة عن ما سمحت بة لنفسى بقرأتة .... أسفة مرة أخرى لكم فى عدد اوأمس بتاريخ 23 إبريل 2008

وبآخر صفحة بجريدة " المصرى اليوم" وبالتحديد بمربع " مجدى الجلاد يكتب: أسحلوا " إسراء " زعيمة تنظيم " الشاليموة" !

لاتتعجب من العنوان فما بداخل المقالة يثير الأشمئزاز أكثر فأكثر فحينما قرأت تلك المقالة شعرت بخنقة بسيطة وبعدين قلت لنفسى أية دة هو خرف ولا ايةهاقولكم كان فيها أية مقالة توحى بفشلة الزريع فى رغبتة فى عمل مقال سخرية فلم يتبع قواعد المقال السخروى وإليكم جزء من المقال

""" لتخرس كل الألسنة التى تطالب بالإفراج عن إسراء " زعيمة التنظيم العيالى " لقلب نظام الحكم .. لنقطع الآذان التى أستمعت لصرخاتها المصطنعة .. ولنخزقن الأعين التى قرأت إستغاة أمها المنشورة أمس الأول فى المصرى اليوم والتى وجهتها إلى " قلب رئيس الجمهورية " وقلب السيدة الفاضلة سوزان مباركوقلب وزير الداخلية والست المفترية التى خلفت وربت " الحية الرقطاء إسراء عبد الفتاح " تناشد السادة المسؤولين النظر بعين الرحمة إلى مستقبل إبنتها وحياتها وتقول " " صحتها بتدهور مستمر داخل السجن"

وعدينا الكلام اللى فوق لقيتة فى الآخر عكها على الآخر أتفرجوا وملوا عنيكوا من إنحطاط الأخلاق

بلاش تسحلوها ... خزوقوها .. ضعوها على خازوق فى ميدان التحرير .. خزوق صلب من " حديد عز " قطعوا أيديها وأرجلها من خلاف .. أربطوا ذراعها اليمنى بحبل بعيد بعيد على حدود " مدينتى بتاعة " هشام طلعت مصطفى" .. وذراعها اليسرى فى مارينا بتاعة محمد إبراهيم سليمان فى " الساحل الشمالى" .. وقدمها اليمنى بحبل مربوط فى خازوق ومن خوازيق مصنع " أجريوم" فى رأس البر وقدمها اليسرى بحبل مربوط فى توسكى أرض الأنجاز والخير .. ثم شدوا بقوة من الجهات الأربع .. وبس خلاص!!!

أشاهدتم ما قالة " الجلاد" أهذا يصح إذا أردت السخرية فلا تفعلها هكذا

عايزة اعرف رئيكم اية فى الكلام دة ليكون هو صح ولا حاجة وأنا اللى فهماة غلط؟

ما لم نحققة فى 6 إبريل فلابد أن نحققة فى إضراب4 مايوالقادم

2008-04-05T04:28:00.018+02:00

بعدت عن التدوين أكثر من شهر ولكنى عدت وأنا على رغبة فى التمرد أقوى من الأول ، أمس كان يوم 6 إبريل يوم
الأضراب الذى كنت أنتظرة وكنت متأملة فية الخير جيداُ فرصدت ماحدث بالأمس بنظرة جديدة لما حدث ،الكل شارك
بطريقتة الخاصة ولكن الغالبية العظمى فى القاهرة أنتظرت تشاهد المشهد فى الشارع وظلت بالمنزل مستكينة وكأنها
تختبر القوى السياسية فى صمودها هل سوف تقاوم وتصمد أم لا و نجحت القوى السياسية فى إثبات موقفها الفعال
وجاء ذلك التفاعل فى موجة الأعتقالات التى شهدتها مصر أمس من ميدان التحرير إلى نقابة المحامين فكان هو أخر
تظاهر وأخر الأعتقالات شهدتها القاهرة ، وعرفنا بالأمس أن مصر ليس لديها جيش واحد وهو القوات المسلحة بل
جيشين ، فل الجيش الثانى وهو الأمن المركزى أثبتت الداخلية بالأمس أن لديها جيش ضخم تحتمى وراءة ولكنة جيش
يختلف عن جيوش القوات المسلحة فهذا الجيش الجديد لايعى شيئاُمما يحدث ، لإحسان إختيارة على أعلى مستوى من
الغباء ليدسوا مايردوة فى عقول ذلك الجيش الجديد الذى أعتقل وأصاب الكثير أمس والذى ملأ الميادين والأماكن الذى
أشتبة فى وجود تظاهر بها.........
وإليكم تفاصيل يومى المبشر فى أولة والحزين والمبشر فى نفس الوقت ف آخرة هى كانت معادلة صعبة فى تجميعها
ولكنها أجتمعت بالأمس
رحت الأول على جامعة عين شمس لرصد الأوضاع هناك بتكليف من الجريدة ، مع العلم أنى كنت عارفة أن الجامعة
خالية من المظاهرات بالأمس وعدم وجود أى نوع من اشكال الأضراب سوى الأضراب السلمى فتغيب عدد كبير بالأمس
فى الجامعة وإليكم صور الجامعة من الداخل

هدوء تام بالجامعة على عكس كلام رئيس الجامعة والمحاضرات شغالة والدنيا حلوة وأحلى كثير

ودى الأسر داخل الجامعة فاضية تماماُ

فى حوالى الساعة 11 زميلتى أتصلت بيا بتقولى مظاهرة جامع عمرو بن العاص اللى منظمها حزب العمل أتغيرت فتصلت
بمجدى حسين أتأكد قالى أة بقى فى الجمعية الشرعية فى ميدان " أبو جاموس" بالمنيل وأتجهت على هناك لقيت طبعا
الميدان متحول إلى ثكنة عسكرية والأمن منتشر فى كل مكان كان قدامى أثنين واحد صحفى من جريدة الشعب وبتاع البوفية
اللى فى حزب العمل الأثنين سبقوا سنة أتفتشوا وأتاخدوا وأنا خدت بعضى ولفيت فى أتجاة اخر لكن فضلت مرقباهم
وخدوهم على عربية الترحيلات رغم ان مكانش معاهم أى حاجة بس هنقول اية بقى حكومة بنت كلب فضلت واقفة قرب
المسجد لمتابعة الموقف وكانت بتجيلى الأخبار على الموبايل بإعتقالات كفاية فى التحرير
المهم لقيت وأنا واقفة فى أنتظار أى جديد او مشهد مشاهد التظاهر مالقتش خالص بس لقيت حاجة تدعو إلى المل بردة خمس
سيدات كانوا واقفين بيقلولى هو فين التظاهر أحنا عايزين ننضم ليهم قلتلهم أتقبض عليهم اللى من حزب العمل خلاص قلتلهم
وفين الشعب وفين بقيت جيرانك وأهلك ماجوش لية شعب مصر المكون من 82 مليون مواطن جم منة خمسة ياسبحان الله
قالتلى فى اللى خاف واللى مستنى لما الشارع يسخن او حد يبتدى وينزل قلتلها ماينفعش لازم تتمردوا كلكم ماينفعش خمسة
ولا 20 حتى قلتلى أحنا مش فارق معانا أحنا خلاص زهقنا قلتلها خلاص دة مش أخر يوم هنضرب فية ونتظاهر فية ضد
الغلاء والفساد المستشرى دلوقتى فى أيام ثانية نتجمع كلنا فيها ونبقى صف واحد يومها ونقول لا للخونة ودة فيديو للسيدات
وحصار الأمن لمسجد الجمعية الشرعية بميدان أبو جاموس

الصورة اللى قدرت أخدها من امام مسجد الجمعية الشرعية لو كنت قربت أكثر من كدة كانت أتاخد الموبايل وصاحبة الموبايل

وطلعت بعد كدة على نقابة الأطباء كانت الأمور هادية وحصار أمنى خفيف وأول ما أبتدى الأطباء يستعدوا لرفع الللافتات
التى تطالب برفع الحد الأدنى لأجورهم تجمع الأمن بشكل أوسع وحاصر النقابة بس كانت فى لغة غريبة كانت مابين
المتظاهرين والظباط اللى واقفين والعساكر الكل كان مبتسم للهتافات وكأنة فعلا بيعى للهتيف ودة يرجع لطبيب شاب كان
هناك بجد فرحت بية طلع هتافات جديدة تعبر عن ماهو فية وهو بالفيديو دة ربنا يحميك والله ... أة قبل مأنسى كان فى واحد
شفتة فى كل المظاهرات بيصور بكاميرا فيديو سامسونج تقريبا كان بيصور كل المتواجدين فى المظاهرات وكمان المعتقالين
اللى ملحقوش يتظاهروا وواقف وسط الأمن وبكل جرأة . الأمن أتطور ياولاد وبقى يستعمل كاميرات فيديوا علشان يصور
ويشيل فى الأرشيف يافرحة أبلة ظاظا فيكوا بردة مش هاااااااااااااااااانسكت

كانوا محتجين 2 شيشة علشان يعرفوا يتكيفوا وهما بيتفرجوا على المظاهرة فى نقابة الأطباء

مجموعة من الأمن اللى كان موجود أمام نقابة الأطباء

طلعت بعد كدة على نقابة المحامين ماعرفتش أدخل من الزحمة وكنت هلكت خلاص مش شايفة قدامى وماعرفتش أصور
حتى روحت على البيت ونمت قمت على الأخبار المشئومة الساعة 6 مصابين فى المحلة وقتلى وضرب نار وقناب مسيلة
للدموع كان خلاص عقلى هايجن نفسى أطمن بس كان فى ناس بطمنى من هناك الأمن عرف يلعب لعبة قذرة فى القاهرة
علشان يحبط المظاهرات لما أعتقل اللى هيشعلولها من القوى السياسية وأكتفى بذلك قال كدة بقى كلة يخاف ويكش وماحدش
يجتمع أنما بقى فى المحلة عمل خطة جهانمية ماتطلعش غير من أبليس نزل بلطجية الأول تبتدى بأعمال التخريب علشان
يسخن الناس وعلشان الأمن يبتدى بالتدخل ويتقال انهم اللى خربوا ممتلكات خاصة زى مطاعم " الغول" طيب ودة يعقل أن
أهل غزل المحلة مش أغبياء ولا مخربين علشان يعملوا كدة دى مجرد لعبة من الحكومة علشان تشوة صورة المتظاهرين فى
المحلة لكن اللى حصل أنهم أعتدوا على ممتلكات عامة يعنى ملك الحكومة وكان الجزاء قتلى لم يتم حصر أعدادهم لحد
دلوقتى ومصابين وأعتقالات تكاد تصل إلى 600 شخص حتى الأن ربنا على الظالم والحمد لله الناس اللى أعتقلت أول
أممبارح فى القاهرة أفرج عنهم ويارب الباقى وعرفت أن أهالى الناس اللى أولادها أعتقلت عاملين أعتصام دلوقتى بالمحلة
لحين خروج أولادهم ونحن نتضامن معهم ودة الدليل على كلامى

بيخربوا فى العربيات علشان يقولوا اهالى المحلة هما اللى عملوا كدة أبلايس ولاد أبلايس

لما شفت الصورة دى فكرتنى بأطفال فلسطين اللى بيدفعوا عن أرضهم بالحجارة لكن هنا كان المصرين وصل مدى شعورهم بالأضطهاد إلى الحجارة للتعبير عن ماهم فية
كان نفسى أروح المحلة بجد وكل مكان ماقدرتش أروحة نظراُ للوقت

وأدعوكم إلى العصيان يوم 4 مايو ولكن بطريقة مختلفة وبأفكار جديدة أرجو أن تشاركونى بها وسوف اقترح أفكار ليس لهذا اليوم فقط بل الأشهر القادمة لتغير مستقبل مصر جزرياُ

تجمع تدوينى فى أفتتاح دار النشر

2008-01-11T02:20:00.000+02:00

أولا كل عام وأنتم بخير جميعا بمناسبة السنة الهجرية الجديدة ربنا يجعلها علينا سنة سعيدة يااااااااااارب ، صادف مع بداية

العام الجديد تحقق حلم زميلنا العزيز مصطفى الحسينى وهو أفتتاح "دار لنشر الكتب " السايت أهو ياجماعة أدخلو علية

هتلاقوا كل الكتب اللى عايزنها أجتمع مجموعة كبيرة من المدونين اليوم لتهنئة مصطفى بمقر الأفتتا ح "بمكتبة البلد أمام

الجامعة الأمريكية بميدان التحرير" الموقع فعلا أنا دخلت علية جيد تقدرتاخد فكرة عن الكتاب قبل ماتشترية وكمان السيرش

بتاعوا بيسهل عليك البحث ودا شىء رائع وبعد كل هذا التمجيدأدفع حقالأعلان دة بقى يامصطفى ماليش دعوة ههههههههه

،وبقولك ثانى ألف مبررررررررررررروك وربنا يوفقك وهاجى طبعا أشترى كتب يالا أبسط هنفعك أهواللى فرحنى أوى

أنهاردة أنى شفت مدونين جداد جم يشاركوا و دا بيبسطنى جدا وأتعرفنا على ناس جديدة وكان جروب لذيذ كان

من الموجودين " مصطفى الحسينى طبعا وتامر ومحمد مجدى و وائل عباس ودومة وششتاوى و الجيزاوى وبن ناصر وشهد ............
كنا مباهدلين الدنيا ضحك وكل شوية يجوا يزعقولنا وطوا صوتكم وأحنا ولا هنا بس هو كدة التجمعات والحمد لله كلنا كنا

مبسوطين وربنايجعلنا كدة دايما ويبعد عننا كل هم ويجعلها سنة سعيدة علينا وكل اللى مضايق من حد يروح يصالحة

ومايتكابرش ، وبعد ماخلصنا الليلةالجميلة دى جاء المطب واللى خنقنى مهو أخر الضحك دة كلة لازم تيجى حاجة تعكنن

المهم بعد مانزلت من المترو ومشيتحبة صغيرينوقعت من أيدى شنطتى فى مية فى الشارع من المطرة بتاعت أمبارح

وانهاردة وعلى الحظ الحلو الشنطة كانت مفتوحة وقع منها كل حاجة فى المية والمحفظة بقيت أعصرها وجراب الكارنيهات

اتبل برضة والمناديل الناشفة بقت مناديل عم مبلولى والألعن من كدة خدوا عندكم كنت ماسكة الموبايل الجديد فى ايدى

الحمد لله أنما الموبايل الثانى اللى كان فى الشنط فكل سنة وأنتم طيبين مش راضى يتفتح ماعرفش أذاكان هتتردد فى الحياة

ثانى ولا لاء ، وقولت الحمد لله برضة على كل شىء

مصطفى الحسينى

ومعاكم تامر وميدو هما أمل مصر

ونقدملكم "آبى " مدونة أنا ولوزة صحبتى وكانت قايمة بدور حارس المرمى زى مأنتم شايفين الجوندى فى أيديها كل ما أخلى حد يصورنا واعمل للى جنبى قرون كانت بتقولة هههههههههههههههههه

ودى ندين

اللى على اليمين دة تقدر تقول محمود براحتك حنظلة مايضرش ششتاوى مش فارقة بيدة كل الأسامى
أنما اللى على الشمال دة فدة دومتى بالسيفين يعنى دومة أخوان

وطبعا الأ خ اللى فى النص دة الحاج "متولى" قصدى الحاج " الجيزاوى" بس المرادى العميل العلنى مهما عملت ياجيزاوى وداريت فأنا فقسااااك يا (one bloggers هههههههههههه عايزين تضحكوا وتشوفوا المناضل الجيزاوى وهو بيهيس مع الأجانب فى
(هرتل مع الجيزاوى)

http://www.facebook.com/video/video.php?v=17064350415&subj=572665415

ليلة رأس السنة فى القرصاية

2008-01-03T15:05:00.000+02:00

أنا أتأخرت كثير علشان أنزل البوست دا لاكن أعذورونى الأمتحانات خلاص قربت يوم 13 /1 أدعووووووووووووولى

البوست هيبقى بخصوص ليلة رأس السنة اللى كانت أحلى ليلة رأس السنة قضيتها فى حياتى مع أصدقاء النضال مريم ونوارة

وميدو وتامر وجابر فى جزيرة القرصاية ، كمان كان فى اليوم دا عيد ميلاد المناضلين "محمد جابر" و"تامرجمال " آن آنتش

الحفلة أقيمت على أرض الفنان " محمد عبلة " حيث روعة الموقع وجمال الطبيعة و إطلالة النيل ، بدأت الحفل بمقدمة للفنان

محمد عبلة أعرب فيها عن سلاحة السلمى الجديد وهو سلاح الفن ضد محاولات المستثمرين بأستخدام سلطة الجيش للإستيلاء

على الجزيرة، ثم الفقرة الثانية وهى "فرقة أسكندريلا" وأغانيها الوطنية الرائعة وأستمتع الجميع بالأغانى

فرقة أسكندريلا

ثم المطرب "وجية عزيز" وصوتة الرنان
المطرب وجية عزيز

الحضور

لوحة بها شعارات الجزيرة

طفلة القرصاية

وجاء ميعاد عرض فيلم تسجيلى لفريق وان شوت ولاكن من الحظ السىء ان الكمبيوتر عطل وبدل العرض قام أطفال الجزيرة بالهتاف
ليأكدوا موقفهم على تمسكهم بالجزيرة

أطفال الجزيرة
بينى وبينكم مشينا الساعة 6.30 كنا جعانين موت طلعنا على مطعم الشلال بشارع البحر الأعظم ناكل وكمان أحتفالا بعيد ميلاد

تامر وجابر ،المطعم بموقعة المغري ومنظرة الشىء عكس الخدمة تماما طلبنا فراخ بانية طلعت نية ههههههههه وكمان

علشان يجبلنا الطلبات قعد ساعة بصراحة عمرى ماشفت مطعم زى دا على رأى المثل "من برا هلا هلا ومن جوا يعلم الله" بس

اللى غطى على دا قاعدتنا الشيقة وإليكم الصور

المجموعة كلها

قورة والشرقاوى
تامر وميدو وعارفة كنت بتبص وتضحك على أية ياميدو ههههههههههه

ميدو مخرج أبناء مصر

نوارة العسل وهى بتشرب ثحلب
مريم

والعميل السرى أحمد الجيزاوى هههههه

معلشى ياجماعة الفيديو مرضيش ينزل النت وغلاستة بقى

دعوة لحضور حفل لليلة رأس السنة في جزيرة القرصاية

2007-12-29T06:22:00.000+02:00

دعوة لحضور حفل لليلة رأس السنة في جزيرة القرصاية

أدعوكم لحضور الحفل التضامني المقام بجزيرة " القرصاية " ليلة رأس السنة 13/12/2007 بتمام الثالثة مساءا الذي يحضرة العديد من النشطاء الحقوقيين والسياسيين تضامناً مع أهل جزيرة " القرصاية " ضد محاولات لسلب أراضيهم من قِبل الحكومة التي تحاول طردهم منها بالقوة رغم ان أهل هذة الجزيرة يعيشون فيها منذ مئات السنين ، ويشارك في أحياء هذة الحفلة كل من :-

فرقة " أسكندريلا الغنائية " والتي تهتم بإحياء التراث الغنائي القديم مثل اغاني الشيخ امام وسيد درويش

والمطرب المصري الفنان " وجيه عزيز"

والمنشد الشيخ "رمضان "

والشاعر الكبير " أحمد فؤاد نجم" الملقب بسفير الفقراء

كما سيتضمن الحفل معرضين الأول لعرض مجموعة أفلام قصيرة لفرقة " وان شوت " والمعرض الثاني هو معرض صور فوتغرافي عن الجزيرة للفنان " محمد عبلة " وستضمن هذا المعرض عرض لبعض رسومات أطفال الجزيرة.

ويقام هذا الحفل ليلة رأس السنة بأرض الفنان " محمد عبلة " بجزيرة القرصاية ويمكنكم الوصول للجزيرة عن طريق المعدية الموجودة عند حلقة السمك القديمة بشارع البحر الأعظم بالجيزة

شاركوا أهالى الجزيرة هذا ليس لأحتفال ليوم رأس السنة فقط بل أعتراض سلمى على مايحدث لهم فهم أمام عدو ليس سهلا فلابد من تلك الحلول ولابد من أبرازهم على الرأى العام دائما حتى لايتمكن العدو من فرض سلطتهم علية

للأستعلام

ENAS3030@GMAI L .COM

0123382810
0189138400

Invitation to attend New year party in Korsaya Island

We would like to invite you to our support party at Korsaya island in new years Eve on 31 of December 2007 at 3 pm sharp, along with multiple civil rights activists and politicians to support people of the island against the current trials to withdraw their land by the government and forcibly evacuating them against their own well in spite of their long existence on this land that has started since hundreds of years.

the program containS:

"Eskendrella" singing band who cares to revive the singing heritage of sheikh Imam and Sayed Darwish Songs.

The Egyptian artist and singer Wagih Aziz

Sheikh Ramadan an Islamist Singer

The spectacular poet Ahmed Fouad Negm who is also titled as the ambassador of the poor.

The party will also contain two exhibits, the first is for short movies for "One shot" team, and the second is for the island's main artist Mohamed Abla, which will also contain some drawings for children from the island.

The party will be held in the land of the Artist Mohamed Abla at the korsaya island, you may reach the island through crossing boat at the old fish market in Bahr El Azam St. in Giza.

ENAS3030@GMAIL.COM

comanication

0123382810
0189138400

هى فوضى ....هى مسخرة

2007-12-24T15:01:00.000+02:00

أنا عارفة التصوير زى الزفت بس الدنيا كانت ضالمة أعمل أية بقى وأوعوا تكونوا فاكرين البلد سايبة البلد فيها حكومة واللى ملوش خير فى حاتم مالوش خير فى مصر

رحت رابع يوم العيد هى فوضى فى سينما روكسى متقولوش بقى انتى مجنونة روحتى فى العيد والزحمة وغتاتة

الشباب هقولكم لاء انا دخلت من التذكرة ب18 جنية لوج مش الصالة على الرغم أن سينما روكسى أ شهد ليها بالأحترام

جدا علشان كدا روحت وبقلب جامد فى العيد ، المهم قولت لما نشوف الفيلم راصد فعلا الفوضى اللى فى البلد ولا أية ،واللى

دفعنى أنى أروح الضجة اللى على الفيلم وأسمة وكمان المؤلفة اللى متحولة للتحقيق بسبب الفيلم قلت كدا نخش وقلبنا

جامد، أول القصيدة لقيت عربيتين بوكس برا السينما على أية مش عارفة وكمان 3 متعرفش دول ظباط شرطة ولا أمناء ولا

أية بالظبط متخفين ببالطواأسود واللى عارفنى أنهم ظباط الللا سلكى أول مرة أشوف كدا وطول عمرى بروح سينما روكسى ومبيبقاش

فيها بوكس واحد يادوبك واحد عسكرى جوة ،قولت ياخربيت كدا هو فى كل حتة أروح فيها قلاقيهم حتى فى العيد والواحد

عايز يريح نظرة منهم ، دا واحد من ضمن المتخفين

عصابة اللهو الخفى والسينما

المهم جية ميعاد الدخول فى الأول كدا سرد لحياة خالد صالح وهو صغيرا والمعاناة اللى عاشها وهو طفل من فقر ويتم

،بعد كدا ظهر حاتم "خالد صالح" أمين الشرطة وهو بيضرب الشباببتوع المظاهرات بالقفا بأشراف الظابط اللى مش

بيوسخ أيدة ومأمور القسم اللى راسى على الحوار وعامل فيها أنا القسم مفيش زية المهم نزلهم بعد كدا على الدور

الأرضى وما أدراك وما الدور الأرضى والزنزانة اللى تحت الأرض وبعيدةعن بقيت الزنازينللى بيلموا فيها الشباب

اللى متعذب ولسة طالعين من غرفة الأستقبال" لما بيجى عليهم دورية تفتيش بينزلوهم

فيها وبعد كدا ينزلوا بطانية للتموية ، بعد كدا جت طبعا شوية مناظر ملهاش لازمة فى الفيلم من بتوع الأداب بزعامة

المعلمة"هابطةعلى رئى زميلنا " ققصد صفوة مشهدين ملهمش لازمة فى الفيلم ولا ليةعلاقة بموضوع الفيلم أصلا

لاكن هنقول أية هو دا يوسف شاهينوالسينما المصرية ، بعد كدا ظهرت الناظرة "هالة صدقى "

المناضلة القديمة فى المظاهرات وهى بتقطع لافتات لبتاع الحزب الوطنى اللى علقها مرشح الوطنى فضلت تقطع فى

اللافتات وهى بتقول للمرشح ياخربيتكم كفايكم بقى مليتوا البلد بفسادكم ،ظهرت بعد ذلك "نور" منة شلبى مدرسة

الأنجليزية ضحية التعليم الفاسد فى البلد اللى متعرفشى كلمتين على بعض انجليزى ، المهم نور بتحب بن الناظرة

شريف باشا وكيل النيابة اللى نصير الحق دائما وهو مكانش واخد بالة منها لأنة كان خاطب بنت من بتوع

المايكرو جيب ومنة كانت طالعة فى ا لدور دا بتاعت التونيكات الطويلة ،فى نفس الوقت كان بيحب نور حاتم بجلالة

قدرة، وكان بيعترض طريقها دايما وهى كانت مش معبراة راح عند الشيوخ علشان يعملولوا حجاب علشان نور

دماغها تلين الشيخ قالة يابنى روح ادخل فى الظار دا وصلى ركعتين وأستهدى بالله عمل شوية وكبر ومشى ،بعد كدا

راح الكنيسة يقول للأسيس انا عايز اعمل حاجة علشان نور تحبنى قالة الأسيس مينفعش راح هددة وقالة مفيش

أحتفالات السنادى فى الكنيسة ولا أعياد هتقام فقالة الأسيس لية يابنى قالة كدا هيقوم قانون طوارىء لحد مانور تحب

حاتم ، بعد كدا وكيل النيابة "شريف" ساب خاطبتة وحب نور وخطبها أتجنن طبعا حاتم وقرر أنة ميسبش نور فى حالها

وأغتصبها أعتقادا منة أنها كدا هتبقى بتاعتة ولاكن الموضوع جية عكس ماكان متوقع ، رجعت نور البيت وعرفوا كل

حاجة طبعا كان سبكهاحاتم مع الظابط ومأمور السجن أنة كان ساعة الوقت دا كان فى مهمة وبيقبضوا على تجار

مخدرات ، طلع منها حاتم زى الشعرة من العجينة بس وكيل النيابة ماسبهوش وكمان ام نور هالة فاخر قومت رجالة

المنطقة اللى هما ساكنينفيها على حاتم ، نظموا نفسهم وبع كدا هجموا فجأة على القسم و نزل حاتم بسرعة ولم

الشباب بتوع المظاهرات واللى مالهومش قواضى

اصلا وكمان الواد اللى تستر على جريمة أغتصابة هجموا أهالى المنطقة وكمان وكيل النيابة ونور وحاتم طبعا أستخبى

فى الأسانسير وتم العثور على الزنزانة المتطرفة وطلع منها كل الشباب ونور أتعرفت على الواد اللى كان عارف انة

هيغتصبها وفضلت تضرب في بالشبشب لحد ماقبضوا علية حاتم حاول يهرب لاكن لحقوة ضرب وكيل النيابة فى كتفة

برصاصة وبعد كدا قتل نفسة.

لحظة موت حاتم

أنتقدت الفيلم من أتخاذ الفيلم كعنوان لجذب الجمهور فقط وليس لأظهار الفوضى بأكملها وكمان أتخاذ الفيلم للقصة بأنها حالة

فردية تحدث فى مجتمعنا هى الكاتبة تقريبا مش عايشة معانا فى الواقع وأن دى سياسة الأغلبية لأمناء الشرطة والظباط طيب

انا بقى هنا مستغربةمن حاجة متحولة للتحقيق لية معتقدتش علشان مشاهد بتوع الأداب أمال علشان الكام مشهد بتوع

تعذيب بالكهرباء وأن دى مش حقيقة بس فى شىء عجبنى أن الشباب اللى ماشفتش التعذيب اللى فى بلدها أهو

يعرفوا بس ياريتهم كانوا يعرفوا أن دى مش حالة فردية كان نفسى ققوم بعد الفيلم وقولهم ان دا واقع وفقوا بقى

بس كان فى عربيتين بوكس برا قولت أحنا فى عيد ونلم نفسينا والواحد مش لازم يبقى متهور

وفى النهاية

زى ماتقول كدا فيلم أونطة عايزين فلوسنا

الأرض أرضنا ..متغور بقى عننا

2007-12-17T16:57:00.000+02:00

كل عام وانتم بخير جميعا اليوم الواقفة "يوم عرفة" تقبل الله منا ومنكم ادعوا معايا كلكم ندعو الله أن يبعد عنا كلاب الدولة وندعو بموت

مبارك قريبا جدا أننى لاأستطيع تحملة أكثر من ذلك وبقولة الشعب كلة مش طايقك أرحل عنا اللى عايزينك دول خرفان

حزبك اللى توليتة مؤخرا بعد ما أتفق أبنك الصرصار على أنة يسبهالك مخضرة علشان تخربها كمان وكمان وأهو كلة

تحت شعار الحزب "مصر بندفنها بالحيا" وبعد ماتموت ندعوا الله أن لايورثنا المدعو جمال تفتكر كدا ياريسنا شعبك

بعد المظاهرات والأعتصامات اللى موجودة دلوقتى تفتكر أية الفكرة الجديدة اللى هيفكر فيها شعبك علشان يخلص من

أهلك ومن جباروتك ،هقولك متفكرش كثير ياحسن دماغك تقف وأحب أبلغك حاجة أبليس حاقد عليك

علشان أفكارك الشيطانية اللى بتمارسها على شعبك وقف قدامكم وبيعلن خيبة أملة وقال تعظيم سلام يا أبليس مصر

نرجع لموضعنا ثانى لوجيت وطبقت مثال من جبروتك على شعبك هنقول أهالى جزيرة قرصاية اللى جيشك عايزيطردهم

من أرضهم وحليفك بتاعا لوطنى أبو العنين اللى محرضة يدى لأهالى الجزيرة مسكنات مقابل انك تسيبلة فيلتة تفتكر بقى

كدا معايا بعد كل اللى حصل لأهالى الجزيرة دول وعيشتهم اللى فى قلق دايما لو جيشك المصون جية وطرد5000 فرد

من الجزيرة وأمضائهم على حق اللجوء السياسى للأمم المتحدة تفتكر دول لوسافروا هيبقوا أية برا هيبقوا طبعا أرهابين

وضحايا نظامك القذر ولو قعدوا فى مصر هيعملوا مظاهرات وأعتصامات فى الشارع ويعملولك قلق ودوشة وتعتقل كام

واحد كل دا واحنا أية شعب مؤدب ومعملش حاجة غير أنة بيصرخ طيب بعد الصراخأ كيد أكيد مش هيبقى قدامهم حل

غير أنهم يقتلوك رغم قلعتك الحصينة خد بالك بقى وكن نفسك ياحسن ايامك هتبقى سودا وبكرا تشوف كمان وكمان أنا عارفة

أنك مش سامعنى لاكن أدينى بقول رأى مش هبقى زى بقيت شعبك اللى مخوفة بكلابك وصراصير البلاعات .........

........................................................................................................................................................................
رحت أمبارح مؤتمر صحفى فى النقابة أمبارح لأهالى قرصاية اللى لحظت على وجههم القلق الشديد من مصير مجهول

جم علشان يعرفواقضيتهم يحكوها ويسمعها غيرهم ومناصيريهم قاموا وهللوا ياخيبتك يانظام أبتدى المؤتمر بعرض

لصور للفنان محمد عبلة العظيم اللىماسك قضية الجزيرة اتكلم عن الخوف اللى عايشين فية دلوقتى وأتكلم بأستفاضة

عن وضع الجزيرة"عزب مصطفى" نائب دايرة الجيزةعلى عكس ابو العنين اللى معاة فى نفس الدايرة كل اللى بيعملوا

يعطى مسكنات ليهم وجت قيادات كفاية "كمال خليلوكريمة الحفناوة"وجم جزء من أهالى قرصاية لأنهم ميقدروش

يسيبوا الأرض كلهم عاملين دوريات جزء ينام بالنهار وجزء ينام باليلعلشان الجيش ميهجمش عليها وهما مش

موجودين حاجة تقلق طبعا بالنسبالهم حطم نفسكم مكانهم كدا دا ينفع الرعب اللى عايشين فية دا كل شوية حاسين
أنهم هيبقوا فى الشارع يعنى حتى مش عاملين ليهم مكان بديل عن الجزيرة، حاطين قدامهم خيارين من غير قوطة ولا

جبنة لائما يطردوا من الجزيرة لائما يطردوا برضة ، اللى شايفاة قدامى أن أهالى الجزيرة ماسكين نفسهم ومتحدين

ومعتصمين علىأرض الجزيرة وان فى ضغط أعلامى شغال عليهم دا فى حد ذاتة شىء كويس هما متفالين أوى

بالموضوع دا وانا بقول ياريت الموضوع يخلص من الضغطاتالأعلامية لاكن عندى تخوف من النظام اللى مبيهموش

حد ولا أعلام ولا دياولوا لاكن أحنا مش لازم نسكت ولازم ندافععن أهالى الجزيرةكانها أرضينا بالظبط ياريت كلامى

يتاخد بية وميتقريش من هنا وننساة ثانى يوم كدا مينفعش

أهالى الجزيرة ونائب الدايرة عزب مصطفى

معرض الصور خارج المؤتمر

سيدات القرصاية ومعهم كريمة الحفناوى

نظرة بائسة للمستقبل

الفنان محمد عبلة

الجيش يحتل جزيرة قرصاية لصالح المستثمرين

2007-12-08T11:48:00.000+02:00

"الجيش بدل ما يحمينا ويدافع عننا هو اللى جاى يحاربنا ويسرق ارضنا"

هذة العبارة ترددت على لسان اهالى جزيرة القرصاية تلك الجزيرة الهادئة

بمنتصف شارع البحر الأعظم (الجيزة ) عند حلقة السمك القديمة

يسكن بها 2000 أسرة بهم5000 فرد بهم أطفال يدرسون ،

الوسيلة الوحيدة للعبور الى تلك الجزيرة "معديةصغيرة" يركبها أهالى الجزيرة

ليتصلوا بالعالم الخارجى ، حينما ذهبت الى الجزيرة شعرت أني بأحدى قرى

الصعيد، لقد رأيت الأراضى الزراعية والمواشى وهدوء الجو

وطيبة السكان ونقائهم أهلها يعملون بالزراعةوتربية المواشى والصيد ،

لقد تحولت تلك الجزيرة الهادئة منذ ثلاثة أشهر الى ثكنة للجيش

حيث وضع الجيش يدة على الأراضى الأتية:

(أرض شروق أبو الحسن 2 قيراط عليهم منزل

وعدد أسرتها 5 أفراد (أولادها يتامى)

- ( أرض أولاد أبو سلام 1 قيراط منزل 9 أفراد)

- ( أرض أحمد ياسين محمد على1 قيراط منزل عدد الأسرة 5 أفراد )

- ( تم اخذ قيراطين من المهندس أحمد البدوى 12قيراط منزل وزريبة 9 أفراد )

***

الجزيرة محط أنظار المستثمرين

تبدأ مأساة تلك الجزيرة منذ عام 1998 حيث قدم الأمير

" فيصل بن محمد بن مسعود بن عبد العزيز"طلبا بأقامة

مركز سياحى متكامل على مساحة 100000م2 بجزيرة القرصاية

الواقعة بجنوب كوبرى الجيزة وطرد أهالى الجزيرة من أرضهم،

فأعتصم أهالى الجزيرة على كوبرى الجيزة

فأضطرت الدولة فى ذلك الوقت الى تاجيل طلب الأمير دون موعد محدد،

وتجدد الخوف من الطرد مرة أخرى منذ ثلاثة أشهر

بعد وضع يده على الأراضى التى ذكرت بالأعلى،

وكان قد قام اشتباك حاد بين أهالى الجزيرة والجيش على أرض "الحاج ماهر

أعتصم بها الأهالى لموقعها الهام نظرا لكونه مدخل الجزيرة

فأذا أحتلها من السهل اقتحام باقى الجزيرة وأطلق الجيش بعض الأعيرة نارية

فى الهواء ولكن هذا لن يعطى أى جدوى مع أهالى الجزيرة

فأنهم صادمدون أمامهم ، ولكن الى متى ؟

خطة تلاعب مكشوفة لأبو العنين مع الجيش ضد أهالى قرصاية

وتستمر مسكنات أبو العنين حتى امس الجمعة لأهالى الجزيرة

وحدث شجار بينه وبين بعض الأهالى ؛

رجل الأعمال والنائب محمد أبو العينين

الذي اتهم اهالى الجزيرة بتزوير المستندات

التي تثبت حقهم في أرض الجزيرة،

وجاءت المستندات لتؤكد أن التعديات

قام بها أبو العينين عن طريق مدير مكتبه وزوج شقيقته وشركائه،

ولم يكتفوا بالاستيلاء علي أراضي بعض أهالى الجزيرة

بل تعدوا علي نهر النيل وردموامنه مساحات كبير ة

لبناء فيلا أبوالعينين بالجزيرة الموضوحة بالصورة

الذى قال انة يبنى عشة فقط

ولكن أنظروا الى تلك العشة

المستندات الصادرة عن إدارة أملاك الدولة بالجيزة تؤكد

الاستيلاء علي قيراط أرض تملكه المواطنة جيهان ياسين عبدالله،

وجاءت شهادات أهالي الجزيرة متسقة مع المستندات

وتؤكد أن أبو العينين يشتري أراضي الجزيرة ويسجلها باسم

مدير مكتبه وزوج شقيقتة "محسن حسن" أو باسم أبناء

«عمرو ومحمد كمال الدين علام». ثم يقوم باعمال الردم والتوسع والبناء

حتي تصدر المخالفات الرسمية بأسماء هؤلاء الثلاثة

ويبقى اسمه بعيداً عن اللعبة،

وفي نهاية الأمر يتم التنازل عن تلك الأراضي لشركات أبو العينين

مثل «كليوباترا» و «ريمبو للسياحة» وتؤكد المستندات

شراء أبوالعينين بنفس الطريقة قيراطاً علي الجزيرة

تحولت بعد ردم النيل إلي ثلاثة أفدنة تم بناء «الفيلا» عليها،

والغريب أن قرارات الإزالة لم تطلها رغم كل المخالفات التي سجلت ضدها

تجميع التوقيعات خطاب اللجوء السياسى

وقد قام 300 فرد من أصحاب الأراضى بالجزيرة

بالتوقيع على خطاب للمفوضية الأمريكية بحق اللجوء السياسى

لأقرب دولة أوأى دولة أخرى يذهبون اليها والعيش بها بسلام

بدون خوف على مستقبلهم ولكنهم سيعتبروها

أخر خطوة يقوموا بها أذا فشلت جميع المحاولات .

الأدلة التى تدل على أن أرض الجزيرة ملكا لأهالى الجزيرة

*جزيرة بها 2000 أسرة من مائة عام

* التعداد الرسمى للسكان عام 1996 (1500 نسمة + مائة منزل)

*شراء السكان من الدولة عدد 2 محول كهرباء

وسعر الواحد حوالى 250 ألف جنية

ودفع كل منهم مقايسة كهرباء لاتقل عن ألف جنية.

* توجد تراخيص لتجديد وأحلال المنازل منذ عشرات السنين .

* رخص الصيد الصادرة للصيادين من عشرات السنين بها

مكان السكن (جزيرة قرصاية)

* جميع الصيادين أعضاء فى الجمعية التعاونية لصيد الأسماك بالعمرانية

مرفق كارنيهات عضوية توضح السكن بنفس الجزيرة .

*محافظة الجيزة قامت بتركيب عشرات الأعمدة للأنارة وتقوم بصيانتها دوريا .

* ترقيم المنازل وأسماء الشوارع تم عن طريق

(حوالى عشرة شوارع ) رئيسية بطول لايقل عن 1000 متر.

*الفلاحين لديهم رخص رى الماكنيات رفع المياة من وزارة الرى من 50 عام.

*رغم كل ذلك مما يثبت أن الأرض أرضهم

وذلك من خلال قانون وضع اليد الموثق بالإيصالات

وجوابات الحصر من أدارة الدولة (دستورى 100%

ويستفيد منة فى مصر ملايين السكان.

*ويوجد أيضا قرار 848 لسنة 2001 لرئيس مجلس الوزراء

يفيد بأنه لايجوز أخلاء أىمبنى من المبانى السكنيةالمقامة فى

جزيرتى الذهب والوراق بمحافظة الجيزة

لايجوز التعرض لحائزى الأراضى الزراعية فى الجزيرة.

ومن وقت صدور القرار أمتنع الشهر العقارى عن تنفيذة

هذة عقود أيجار مسددة من أملاك الدولة الخاصة

وبطاقات مسجلة بالعنوان وهى الجزيرة منذ 120 سنة

الأوراق الأتية صارة من عوائد وزارة المالية بكل أسما المسددين للضريبة العقارية حتى يناير2007

دا كود اللوجو علشان يتحط فى مدونتك على طول

(http://image.almassrawy.com/files/mooaten/5gm0mdyzg5zwdzuryjom.gif)

السؤال الذى يطرح نفسة هنا ماذا سيحدث لأهالى الجزيرة ؟ وأية اللى دخل الجيش فى وضع يد على أرض لصالح مستثمرين علشان يحولها الى منتجعات سياحية وفنادق وملاهى ليلية وطرد السكان الأصليين منها، أنها مهزلة تاريخية لم أرى أو اسمع عنها من قبل هذا شأن الحكومة هو أحنا عارفين نخلص من الحكومة وتضيقها علينا لما هيجلنا الجيش كمان شوية شوية نلاقية فى المظاهرات وشايل فى أيدية سلاحة وبيحاربنا،بدل مايجى يتطرد الناس من بيوتها ويحتل أرضها مش يروح يشوف مشاكلة ويحلها ويقوى جيشة بدل ما مصانع الحربية بتنتج البتوجاز اللى بيطبخوا بية البلد تنتج بقى أسلحة وذخيرة ولم أرى عبارة انسب من هذة

" الجيش وسخ أيدة لما أتعاون مع الحكومة فى عمليات النهب للأراضى "

وماخفى كان أعظم.

مئات العائلات تشرد من أجل ان تكون القرصاية..

قرصاية في فم رجال الأعمال

لإقامةمشاريعهم السياحية على اجسادنا واراضينا

وعلى حساب نيلنا الذي يردموه من اجل حفنةدولارات

يا ابناء الوطن شاركونا ..............

في الوقوف بجانب اخوانكم اهالي جزيرة القرصاية

تضامنوا معهم اما بالوقوف المباشر بجوارهم

او بنشر قضيتهم وتصعيدها للرأي العام

لا تقرأ وتصمت... شارك ولو بنشرك صورة

عن الجريمة التى ترتكب في اهلنا في جزيرةالقرصاية

كن ايجابيا ..وكن صوتاً للحق وساهم في النشر

و فضح الجريمة البشعة التي ترتكب في القرصاية

لا لطرد اهالي القرصاية

لا لردم النيل

لا لوحشية الرأسمالية

أبو عيطة يهلل للعقارية

2007-12-05T18:08:00.000+02:00

أعلنوا عمال ضرائب العقارية أضرابهمأمام رئاسة مجلس ا لوزراء حيث وصل عددهم الى 4000 موظف وموظفة من الضرائب العقارية بشارع حسين حجازى المتفرع من القصر العينى ليعلنون أعتصامهم واضرابهم حتى تتساوى مرتباتهم مع زملائهم بنفس المصلحة.اومعبرون عن ذلك بالهتافات التى تعبر عن ماهم فية "1 2 حقوقنا راحت فين" وذلك لأرتفاع مرتبات وزارة المالية وتدنى مرتبات الضرائب العقارية فى ظل الغلاء وأ رتفاع الأسعاروهو يعد اكبر أعتصام رأيتة ..

انما بقى لو جيت من نا حية ثانية وحاجة لحظتها أثناء الأعتصام اتفرجوا على الفيديو الثانى كويس وركزة فى كلام ابو عيطة مهم

جدا تشفوة فية الزعيم بتاع عمال الضرائب العقارية "كمال ابو عيطة " وهو بيهلل بمصايب وزير الما لية علشان

حد يكلمهم ،طيب لما بقى فى مصايب وتهريب قروض مع مستثمرين للخارج كنتم ساكتين لية ياعمال الضرائب طيب ولا مؤاخذة كدا هو الكلا م بقى يطلع

لما يخربوها عليكم من سنتين ويشيلوا القانون القديم عنكم ال هو 2% أثابة اللى كنتوا بتاخدوهم كل أسبوع كنتم بتاخدوا

200 جنية وكنتم مبسوطين أوى وكنتم ساكتين عن نهب المال العام قدام عنيكم ، سكتوا فى الأول عن السرقة ودلوقتى بطالبوا

بحقوقكم وكمان بتهددوا كمان ربنا أصلة مبيسيبش أشربوا بقى أهوا مفيش حد عايز يرد عليكم ولاحد سامعكم من البهوات اللى

بتهددوهم اللى سامعنيكم الناس بس صحيح نسيت فى فيديو ثانى معايا بس للأسف فى مشكلة فى الرفع على الحساب بردة الفيديو اللى

بقولكم علية دا كان بيفضح بعملية نهب أخرى فى "الفور سيزون" وغيرها وغيرها

الموظفين أثنا طعامهم والأمن يحاصرهم

طبعا أنتم عارفين مطالب عمال الضرائب العقارية واللى مش عارفها هيلاقيها هنا مش هقعد أكرر كلام كثير المهم بقى

أن فعلا رئيس القطاع بوزارة المالية عمل تصرف استفذ موظفين العقارية جدا أستغل موقف الأحتجاج اللى عملوة

موظفين العقارية فى الأحتجاجات الثلاثة اللى عملوها قبل كدا أمام وزارة المالية ،قام رئيس القطاع بالمصلحة بتقدي

م مذكرة الى وزير المالية بزيادةالجهود العادية بنسبة 5% وزيادة العلاوة التشجيعية من (6) علاوات الى (8 )

علاوات وقد وافق الوزير على هذة المذكرة بمبلغ أجمالى أجمالى (78 مليون جنية) وذلك بتاريخ (7/11/2007)

على أن تبدأ العمل بها أعتبارا من1 /8 /2008 .وهذا أستفز عمال ضرائب العقارية من رئيس القطاع لأنهم هم من قامو

بعمل الوقفات الأحتجاجية وليس عمال وزارة المالية فهذة العلاوة من حق موظفين ا لضرائب العقارية وليس من حق موظفين وزارة المالية .

وكذلك الأضراب السلمى يوم 13/11 /2007 الذى كان بمقر الأتحاد لنقابات وعمال

مصر وتم تشكيل لجنة تفاوض من ممثلى محافظات الجمهورية وترأس اللجنة الأستاذ

"حسين مجاور" وقدم مذكرتين تفصيليتين بالفروق المالية بين العاملين بالضرائب

العقارية بالمحافظات والعاملين بمصلحة الضراب العقارية بالقاهرة وتم تسليمها الى

رئيس مجلس الوزراء ولم تأتى أى ثمار لهذة المفاوضات مما أثار الغض والضيق بين

العاملين بالضراب العقارية بالمحليات فلجأو ا الى تصعيد الأضرابات فقرروا التنسيق

على مستوى المحافظات وتم التنسيق مع المحافظات.

وجاء فى بيان تم نشرة بأنهم يحملون المتظاهرون والمضربون المسولين بالدولة

الذين تغاضوا عن الأستجابة لمطالبهم سيستمرون فى الأضراب وعازمون على عدم

فض

الأ عتصام الابعد حصولهم على قرار مالى وأدارى بالمساواة بزملاهم بالمصلحة حتى

يحصلوا على حقوقهم المالية والمساواة بزملائهم بالمصلحة.

وقيامهم بالأضراب عن أداء اعمال المصلحة داخل المديريات والمأموريات التابعة لها

على مستوى الجمهورية وعدم التوقيع بدفاتر الحضور وأنصراف والأمتناع عن تحصيل

تضامنا مع زملائهم بالمصلحة بالقاهرة

لله يا محسنين

ياتساوينا بالمصلحة ....ياتودينا على المشرحة

الموظفين من أعلى

أة يامصر

حتى الطفل بيصرخ بحقك والدة

يلحقكم أية دا هو شيخ النصر

عبد القدوس على الحدود

2007-12-03T19:18:00.000+02:00

ذهبنا من أجل فك الحصار عن غزة وتقديم المعونات للعالقين على الحدود؛ حيث

تجمعت قافلة "اللجنة المصرية لرفع الحصار عن غزة" أمام نقابة المحامين. بلغ عدد

أفراد القافلة 104 فردا من الأحزاب المختلفة (العمل والناصري والوفد والغد)، تختلف

اتجاهاتهم السياسية ولكنهم يتفقون على هدف واحد "فلسطين..قضية ورسالة

بدأت القافلة المكونة من أتوبيسين تصدح فيهما الأغاني الوطنية ..أغاني المعارك

والوطن الواحد، وبعد ذلك توقفت السيارة أمام أول مسلسل في التفتيش وذلك مع أول

كمين يعترضها بمدخل مدينة الإسماعيلية واحتجازها على جانب الطريق لمدة ربع

ساعة لمحاولة استفزاز القافلة وتعطيلها عن مسيرتها، ولكن الجميع فوت فرصة ذلك

ولم يستسلموا، وواصلوا المسيرة مرة أخرى. تم اعتراض القافلة مرة أخرى قبيل

كوبري مبارك السلام، حيث حدث اشتباك واضح بين قوات الأمن وبين أعضاء حركة

كفاية وتم الاعتداء عليهم بالضرب بالعصيان، وحدوث إصابات طفيفة بين أعضاء

الحركة حينما اعترضوا على حجزهم على الطريق ومنعهم من الوصل إلى رفح، حينها

قامت القافلة باعتراض العربات القادمة على الطريق، حينها اضطرت قوات الأمن

بالسماح للقافلة في استكمال المسيرة. وتحركت القافلة مرة أخرى حتى اعترضها قوات

الأمن مرة أخرى عند مدينة "المساعيد" قرب بئر "عبد" على بعد 25 كيلو من مدينة

العريش، وهنا زادت قوات الأمن حيث وصلت إلى 11 عربة أمن مركزي. تعطلت

القافلة.. وحدث اشتباك آخر، وفور حدوث ذلك تصاعدت الهتافات عاليا معبرة عما

بداخلهم من ضيق وحسرة على احتجازهم ومن تلك الهتافات: بالروح بالدم نفديكي يا

فلسطين، الحصار عار وخيانة والتطبيع عار وخيانة..، وفي النهاية أجبرت القافلة على

الرجوع مرة أخرى إلى القاهرة

عقب من بالقالفة على

ماحدث حيث أوضح الأستاذ عبد العزيز الحسيني، منسق لجنة فك الحصار عن

غزة وعضو حركة كفاية، أن ما حدث يدل على حكم الاستبداد الموالى لأمريكا

وإسرائيل، معربا عن ضيقة لما حدث اليوم ومنعهم من الوصول إلى رفح. أما الدكتور

يحي القزاز، عضو حركة كفاية، فيقول: "ما حدث اليوم ينقسم لشقين، الشق الأول

بالقافلة التي جاءت متضامنة على المقاومة الفلسطينية بين مصر وبين غزة وهذا

يحسب لها، والشق الأخر هو اعتراض الأمن للقافلة وهو ما يدل على ضيق الفكر

وديكتاتورية النظام، وذلك يدل على أن سيناء تدار بطريقة أمنية إسرائيلية أكثر منها

مصرية". وبسؤالى مع مجدي حسين، قيادي بحزب العمل، هل ما حدث اليوم بسبب

قلة الأعداد وعدم وجود مؤتمر تنظيمي قبيل القافلة؟ أجاب: "اللجنة وليدة منذ ثلاثة

أسابيع فقط وقمنا بعمل مؤتمر بعد تشكيلها، وليس ما حدث عيبا في تنظيم القافلة،

ولكن هذا حدث لأننا ببلد نظمها ديكتاتوري". أما محمد عبد القدوس، رئيس لجنة

الحريات بنقابة الصحفيين، فقد انتقد الحواجز الأمنية وأمسك بميكريفونه منددا بسقوط

النظام

وفى النهاية القافلة أدت دورها على أكمل وجة وما حدث لم يعدأحباط لها بل دفعها لأستكمال المسيرة بشكل أقوى وبأفكار جديدة لكى يصلوا الى هدف اللجنة هو " فك الحصار عن غزة"

دعوة لدعم أهالى كفر العلو

2007-11-19T19:27:00.000+02:00

دعوة لمساعدة اللاجئين المصريين في كفر العلو

اه...اهالي كفر العلو اصبحوا زي اللاجئين السودانيين بالظبط

يعيشون تقريبا في نفس الظروف الغير ادمية

الا ان السودانيين كانوا يستوطنون احد الميادين الراقية بالقاهرة

والعالم كله شايفهم...و المفوضية الخاصة باللاجئين تحميهم و تدعمهم

لكن اللاجئين المصريين في حلوان...يا عيني حالهم زي حال كل المصريين

لا ليهم ضهر يحميهم...ولا دولة اجنبية تسهر عليهم

والإسم عايشين في بلدهم

سكان كفر العلو عشان الي مش عارف...للأسف الشديد

الحكومة خدت اراضيهم و هدت عليهم بيوتهم و تركتهم في العراء

وعدتهم بتعويضات ما شافوش منها حاجة

الناس دي في الشارع من رمضان الماضي

ابناء مصر صورت هناك و عملت فيديو سمته في العراء فيه شرح لحالتهم

الي عايز يعرف تفاصيل الموضوع التفاصيل هنا

دلوقتي يا شباب مصر....احنا مالناش الا بعض

لا الحكومة هتشفع ولا هتنفع

وكلنا معرضين في اي لحظة ان بيوتنا تتهد على نافوخنا

ولا حد هيحوش عنا ولا حد هينصفنا

مش هينصفنا غير وقفتنا جنب بعض....نقف بجد بدعم حقيقي

مش بوقفات احتجاجية لا هتودي ولا هتجيب

الناس الي في حلوان الي هما اهالينا و ناسنا

قعدين في الشارع في عز البرد محتاجين بطاطين تحميهم و عيالهم من البرد

محتاجين لبس شتوي بدل الهدوم الي اتبهدلت تحت الأنقاض

محتاجين اكل لإنهم بياكلو الكفاف

محتاجين رعاية طبية خاصة للأطفال...

محتاجين ادوية و علاج...محتاجين ما يحتاجة اي لاجئ من اللاجئين في اي مكان

كمان محتاجين خيم لإنهم قاعدين في مكان على مجرى سيل

بيخرج عليهم افاعي وتعابين و حشرات و ذئاب

و حياتهم و حياة عيالهم طول الوقت مهددة بالموت

ما يقتل كمدا و غيظا...اننا بنشحت على ناس المفروض انهم مليونيرات

يعني الناس دي..ارضهم تسوى ملايين...الحكومة خدتها منهم بألفين و خمسمية جنيه

و بعدين اكتشفت انهم بنيين بيوتهم على الأرض الزراعية

فطلعت عليهم احكام و غرامات بعشرة الاف جنية و كام سنة سجن

فالناس في يوم وليلة بقى عندهم موت وخراب ديار

مع ان الحكومة بجلالة قدرها هتاخد الأرض و تبني عليها محطة مية

و كمان وراء مصنع اسمنت....

احنا محتاجين دعم كامل للناس دي

عشان ما تبقاش قلعة الكبش الجديدة

الناس دي محدش سائل فيهم

مالهومش غيرنا...و لو اديناهم ضهرنا دلوقتي

بكرة هيجي علينا الدور...., يكتشفوا ان بيوتنا تحتها مقبرة فرعونية

ولا صندوق الزبالة الي قدام العمارة بيطلع صراصير فهنهد العمارة

ولا اي حاجة..., نبقى شعب كله من اللاجئين

الي يقدر يتبرع بأي حاجة للناس دي...يبعتلي على الميل و انا هوصلهم بنفسي

sokoothansawat@gmail.com

و الي يحب يجي يشوف بنفسة المأساة...

ويتصل بيا برضة وهنخليه يتفرج بي و على رأي نتانا سينما

مش هيقدر يغمض عينيه

الي بقى يقدر يوصل المشكلة لأي محامي يتولاها

فعندنا صور من كل الأوراق الخاصة بالمشكلة

من عقود مية لنور لعقود صورية ببيع و تنازل

والي يقدر يجيب دعم مادي من جمعيات خيرية...يا ريت

احنا محتاجين كل الدعم واي دعم

فضفضة على الأخر وقلت اللى جوايا

2007-11-16T23:23:00.000+02:00

النهارضة هفضفض معاكم من غير حذف كلام علشان أحساس حد ولا شعور حد هتكلم

من قلبى للبوست بس بنسبة 93% لاكن ال3% مش هقدر أحكى عليهم فى البوست أفضل أخليهم فى قلبى أحسن

وهحكيلكم عن اللى حصلى بالظبط

أمبارح وأية اللى أكتشفتة من المواقف اللى حصلتلى أولا : كنا قاعدين مع الأستاذ ساهر

جاد اللى المفروض منسق أعلامى لمصرين ضد

التعذيب قالنا أن فى واقفة علشان أحمد صابر الشاب اللى عندة 21 سنة ضربوة فى

قسم العمرانية وزرموة فى الشارع ولاد ال......(أملأ الفراغ كما تحب)وأصابتة بجروح

خطيرة أثى تعذيبة وتوفى بعد ثلاثة أيام من تعذيبة قولنا طبعا لازم نشارك فى حاجة

زىكدا ويكون لينا موقف قولنا خلاص أحنا متضامنين معاكم وهنساعدكم وأتفقنا على

ذلك ودا كان اخر لقاء (بساهر جاد) يوم الثلاثاء ومن يومها لم أرى لة وجة

ثانيا: روحت أنا وبن ناصر والجيزاوى وشاهندا وشمس الوقفة الأحتجاجية أحنا

روحناها بأسم حركة يلا نفضحهم شمس راح مستقل مش

مع يلا نفضحهم علشان الرغى بس فى الموضوع دا أصل يلا نفضحهم تقريبا (بعبع) مش عارفة فى أية الناس أتجننت خلاص ماعلينا

عدينا للجهة المقابلة للقسم ومش قادرة ققولكم على منظر الأمن زى ميكون أسطول رايح يحارب هيتجمعوا كدا بأذن الله يوم الحشر وهيتعمل

فيهم أكثر من اللى بيتعمل فينا ،المهم لقينا مين أثنين من بتوع كفاية شموا الخبر جم على أنها حركة منظماها مصريين ضد التعذيب روحنا

كلماناهم قلولنا خلاص ياجماعة مفيش واقفة ولا حاجة مفيش حد جية والعدد كدا قليل فخلاص روحو ا سيبناهم وقولنا نشوف أية الموضوع

مع مصريين ضد التعذيب كلمنا نوارة قالت أنها كانت جاية ورجعت علشان محدش عايز يروح الهرم ؟؟؟

قولنالها حد جاى منكم ثانى نستناة قالتلنا لا خلاص روحوا وبالفعل كنا مروحين لولا شاء القدر وحدث ماحدث كنا ماشيين على نفس

الصف اللى فى الجهة المقابلة للقسم متجهين اللى المترو شاء القدر أننا نعدى فجأة هتقوقولى عديتة لية اتجاة القسم هقولكم معرفش المهم لما

عدينا لقينا بثينة كامل بتاعت الدستور كلكم عارفينها أكيد يست (رايقة طحن) قال أية جاية تولعلى شمعة قدام القسم مشيت قدام شوية لحد

القسم جت تولع الشمعة الأمن أتلم عليها واللى كان معاها أضرب وأتروق المهم قولت أنا بقى ألحق أطلع أصور المشهدلغيت طبعا وضع

الفلاش اول مرة صورت صورة جامدة وهما بيزقوها ثانى صورة طلعت مهزوزة ساعة ماكانوا بيضربوا اللى كان معاها قلت أصوور

واحدة ثانية شاء القدر مرة أخرى وتغير وضع الكاميرا الى الفلاش وهنا أبتديت المشكلة سابوا بثينة كامل واللى كان معاها وأتلموا عليا زى

مكون حرامية ولا عاملة عاملة اللى شيشد الشنطة من ناحية الكاميرا من ناحية ثانية وأنا قاومت بس مقدرتش كان هجوم الجبابرة أنما كان

فى راجل بجد معايا شافنى فى الموقف دا مسكتش دخل وحاش عنى وأضرب بسببى طبعا كلكم عرفتوة رمز الشهامة والرجولة (أحمد

الجيزاوى )بجد يا أبو أحميد مش عارفة أردلك الجميل أزاى المهم بعد ماحاش عنى الكلاب اللى كانوا حوليا الكلاب خدوة على عربية من

عربيات الأمن ومعرفناش عنوا حاجة بهدلت الدنيا بس مقدرتش وزعقت علشان يخرجوة بس معرفتش كانوا هياخدونى انا كمان لولا

زمايلى حاشونى كان كمان فى رجالة كمان كانوا هناك مدونين زمايلنا طبعا منهم دماغ

ماك وأسد وتامر وسعدونى أنهم يرجعوا شنطتى

والكاميرا والموبايل واحد محترم من حزب الغد ناسية أسمة والله يعرف ظابط راجعلى

الحاجة بتاعتى ظابط بجد محترم وأتعامل معايا بكل

أحترام لاكن أحمد قعدوة لحد الساعة الصبح لحد مانشفت من الخوف علية بس الحمد

لله هو خرج الساعة 6 الصبح أنهاردة ودلوقتى
كويس

.............................................................................................................................................................
معلشى شيدت خط علشان اللى هقولوا دا مش تبع الناس الجدعان اللى فوق

أخدت أذن من الجيزاوى لما رجع أنى أرد عليكم براحتى

مش واخدين بالك أنى مذكرتش مصريين ضد التعذيب علشان طلعوا مش رجالة ولا راقيين بفكرهم عرفنا أن وصل عددهم الى 45 شخص أغلبهم فتيات لما عرفوا باللى حصلنا ولا

عبرونا ولا جم يطمنوا على زميلهم المدون أحمد الجيزاوى طلعوا أندل ناس شفتهم بحياتى نفضوا لينا وروحوا على بيتهم يعنى أحنا جايين

منضمين معاهم وكنا هنبقى كتلة واحدة وكنا خرجنا أحمد على طول بدل البهدلة يسبونا

بالمنظر دا وغير الكلام اللى أتقال أن أحمد حزب

عمل ملناش دعوة بية يعنى هو كدا كافر ولا ملحد والله لو ملحد لكنتم أتلميتم وأنا متأكدة

من كدا أنا حكمت خلاص عليهم أنهم أندل ناس شوفوا أنتم هتحكموا عليهم بأية ؟

أنما هما فى الكلام حلو أوى فى مؤتمراتهم وأجتماعتهم يعلنون توحدهم على هدف واحد
مهما كانت أنتماتهم الحزبية أو الدينية واننا نكون

أسرة واحدة فين الكلام دا بلا نيلة وخيبة عليكم مطلعتوش رجالة زى مكنت متخيلاكوا روحتوا وكبرتوا للموضوع

ملحوظة :نوارة الوحيدة اللى كتبت على طول بوست وتضامنت مع أحمد من مصريين

يالاأدينى عرفت مين النشطاء والمدونين الصح مش بالأسامى أصلها بالمواقف

وأهم حاجة ان أحمد رجعلنا بالسلامة والكلاب سبوة دا أقل وصف أوصفهم بية كلاب البلد ربنا يبعدهم عننا

عماد الكبيرالله أكبر كان شعارة لفرحتة بأخذ حقة

2007-11-06T01:09:00.000+02:00

سعادة عماد لحظة النطق بالحكم

المجرم أسلام نبية معلشى الصورة بعدة شوية والأضاءة كمان مش كويسة
بس دا علشان كانوا محاوطينة من كل جانب هو الى ورا لابس أحمر

اليوم الأثنين 5/11/2007 من داخل دار القضاء العالى حيث قضية هتك عرض عماد الكبير

والله وعملها القضاء المصرى وخلانا فرحنا أنهاردة فرحة ظهور الحق على الرغم أن الحكم من وجهة نظرى كان لابد ان يكون أكثر من ذلك.

الله أكبر كلمة ترددت على لسان عماد الكبير ضحية التعذيب من قبل أسلام نبية

ظابط بقسم بولاق الدكرور حيث قام بهتك عرضة منذ عامين ،وقد نطق الحكم

بحبس أسلام

نبية ثلاث سنوات وغرامة أربعة ألاف جنيها وسوف يتم ترحيلة الى سجن طرة

لقد توارى عند دخولة المحكمة من أمام كاميرات التصوير والتليفزيون ولا تعبر

ملامح وجهة عن شىء .

وسعد الحضور من المتعاطفين مع عماد الكبير وقاموا بتهنئة عماد على رغم من أن

أملهم كان أكبر من ثلاث سنوات حتى تبرد نيرانهم .

وتحدث عماد الكبير قائلا (الضحية) "أنا فرحان أن حقى رجعلى وهذا يدل على

نزاهة العدالة فى المحاكم المصرية "

وأكد ناصر آمين محامى عماد على عدل ونزاهة القضاء المصرى وطالب

الحكومة بأن تعتذر لعماد على هذة الجريمة القذرة والبشعة التى أرتكبت من أحد

ظباط الشرطة فى مصر

وطالب أيضا الحكومة أن تتعامل مع هذ الحكم بجدية وأن تعلن موقفها الرسمى من

التعذيب وأنها لم تقف ولن تساند أى ظابط أو أىشخص يمكن أن يرتكب هذة الجريمة.

وحين مسائلتة عن فرص الأستناف ؟ قال بأن من حق المتهم أن يطعن بالنقد

ولاكن هذا ليس أستئنافا للحكم.
وأكد ناصر أمين دور المدونين ونشطاء حقوق الأنسان وأكد أنهم كانوا دورا كبير فى أبرازالقضية وتحويلها ألى رأى عام

والجميع طالب بالأعتذار الى عماد الكبير والى كل عماد كبير فى مصر........

مكتوب عليك ياشعب النيل

2007-11-03T23:53:00.000+02:00

رسالة أوجهها الى شعب مصر

مكتوب عليك ياشعب النيل

مكتوب عليك ياشعب النيل

وخاصة فى هذا الجيل

يكون فى عونكم يا مصريين

يامظلومين فى حقوقكم دايما

لما أنشويتم من الأسعار

وبقيتوا تتلفوا بجرانين

جرانين بتكتب وتمجد

فى حكومة تفرض وتشدد

وشعرا تندب وتعدد

وتقول عليكم مش عايشين

والنيل بيجرى ويسقيكوا

وتوسخوا النيل بأيديكوا

وزمانكوا بيحط عليكوا

بيحط دايما على الضعيف

زمانكوامليتوة بعجائب

ومالكوا أصبح مال سايب

حتى قطاعكوا العام خايب

وأنتم بحمد الله ساكتين

ساكتين وراضين بالحال

على نظام فساد فى فساد

ونقول لنفسينا الشر من برة

وأنتم مصيبتكم جوة حارة

والناس بتعلى وتترقى

وأنتم هنا أشغال شاقة

هو أنتوا أية مش بنى أدمين

بين الدول جرستونا

ولسة برضة مش حاسين

قاعدين تغنوا لبلدكوا

من ساعة الثورة بتغنوا

لحد مشربتش من نيلها

وماشين ورا رؤسا

يطلع عليكم بجملة تفانين

يقول كلام يسرح بيكم

ويقلب الدنيا عليكم

تحت شعارات من السم الممتاز

تعمل حرايق فى كل مكان

وتقوموا وترفعوا أيديكم

لناس بتسرق منكم زاداكم

شيلوا الغطا قوموا وهموا

ياشعب النيل

والجهل أكثروا سمة

تعلى بلادنا دنيا ودين

ندوة جيفارا والأقاويل

2007-10-31T02:48:00.000+02:00

مرت على وفاة الزعيم الثورى جيفارا 40 سنة بالأمس ذهبت الى نقابة الصحفيين حيث كان يوجد مؤتمر لأحياء ذكرى

جيفارا ولاكن سمعت وأنا فى الأستراحة بالمؤتمر من زملائى المدونين على الموبايل أن المؤتمر دا جاى من تموي

ل خارجى وأن الناس عملاة علشان هتستفاد منة أستغربت طبعا وتعجبت من الأمر سئلت عن مؤسسى المؤتمر لقيتهم

ناس كلهم محترمين ومفيش حد منهم أشك فية وتمويل على أية أساسا دا أحياء ذكرى ليس أكثر ومن ضمن منسقين

الندوة

عمرو عبد الغنى وسامح عبد الله وابراهيم السخاوى صحفى بجريدة الأهرام ودا أساسا ليبرالى وكلهم ناس محترمة

ومعتقدتش انهم يخدوا حاجة وكمان العدد مكنش كبير ومن التليفزيون الجزيرة طبعا اللى لازقة نفسها فى كل حاجة

والعاشرة مساء وخلاص ويمكن صحفى واحد ولا حاجة ولا مدونين حضروا ولا حاجة حتى اليسارين كل دا علشان ميل

أتبعتلهم أن الندوة تمويل والله ضحكت عليهم الناس بقت تشتغل بعض

اللقاء كان كالأتى

فى الأول كانت الكلمة لسفير كوباوالمترجم معاة طبعا والقى السيرة الذاتية لجيفارا وأنجازاتة فى مدينة كوبا لتحريرها

وبعد ذلك الأستاذ محمد شوقى فى جريدة الأهرام وألقى كلمة عن جيفارا

وبعد ذلك فريدة النقاش رئيسة تحرير العالم الثالث وأيضا تكلمت عن جيفارا

وبعد ذلك شاعر الجيل العظيم عبد الرحمن يوسف ولة تقدير منى ألقى شعرا لجيفارا

وبعد ذلك فتاة صغيرة أسمها أية ألقت أغنية جيفارا مات للشاعر أحمد فؤاد نجم الذى كان من المفروض ان يجىء ولاكن المرض

بالتأكيد هو الذى أعاقة وبردة الأيميلات الظريفة أشتغلت وعملت أشاعة على عدم سبب مجيئة ماعلينا

وبعد ذلك جاء الصوت المميز الرائع على أسماعيل بجد مطرب وملحن رائع أشجانى بصوتة الجذاب

وفى النهاية عرض فيلم تسجيلى صغير لاكن بصراحة مكملتوش .بالتأكيد كان يتحدث عن جيفارا

ابراهيم الأبراشى صحفى بجريدة الأهرام

الشاعر عبد الرحمن يوسف

محمد شوقى من ضمن المنسيقين

رئيسة تحرير مجلة العالم الثالث فريدة النقاش

ملتقى الشعر للرؤساء الأربعة بنقابة الصحفين

2007-10-26T15:58:00.000+02:00

شعار الملتقى

من نقابة الصحفين حيث ملتقى الشعراء والصحافين على رأسهم أبراهيم عيسى رئيس تحرير جريدة الدستور

ووائل الأبراشى رئيس تحرير جريدة صوت الأمة وعادل حمودة وجميع الحضور نددوا مايحدث من قمع لحرية

الرأى والتعبير كما أعتبروة جريمة فى حق مصر وأن حبس الصحافين أصبح نقطة سوداء فى تاريخها الطويل

الذى أصبح العالم الأن يتحدث عن حبس الصحافين فى مصر وما يدل على قمع الحريات

أبراهيم عيسى وهو ينصت للشعراء

ولأول مرة ألقى اللأستاذ ابراهيم عيسى شعرا وكانت كلماتة قوية ومعنية (يا أهل مدينتا هذا قولى

أنفجموا او موتوا رعب أكبر من هذا سوف يجىء لن أنجيكم أن تعتصموا منة بأعالى جبل الصمت أو ببطون

الغابات لن انجيكم ان تختبؤا فى حجرتكم أو تحت وسائدكم أو تحت بلوعات الحمامات لن أنجيكم ان تضعوا أقنعة

القردة فأنفجموا أو موتوا)

وكما سعد الحضور بشعر الشاعر الكبير عبد الرحمن الأبنودى حيث أعلن رفضة على حبس الصحفين لأبراهيم

عيسى ولوائل الأبراشى حيث قال بعفوية أن (وائل الأبراشى الرجال المهذب اللى ولا بيهش ولا بينش) تمت

أيضا محاكمتة

والقت أيضا شاعرة الزجل أيمان بكرى التى أمتعت الحضور وخاصة بشعرها المتميز (مفيش حاجة)

وكما دعى بلال فضل للرئيس بطريقتة الخاصة حيث قال ( اللهم أغمرة بهامات تنسية قيادات التوريث اللهم

اعنة على العمل المصرفى لكى ينتهى دوام كل يوم فى الخامسة مساء

ثبت عمرو دياب عند غنائة فى الفرح وأجعلة يغنى معاك بجد كان قلبى طب مقولتش انا غير حاضر وطيب

وانت غاوى وعود فى الهوى كل سنة بقى وانت طيب وأجعل ذهنة حاضر كان طيب كان حنين أترية كداب كبير

مش زى ماكان حنين دا خدعنا واحدة واحدة وجرحنا سنين كثير اللهم أن عندة ألبومات كثير فاليغنى منها مايحب

وبعد ذلك تم عرض على شاشة العرض فيديو مدتة خمس دقائق عن رؤساء التحرير الأربعة

وفى لقاء الأستاذ وائل الأبراشى

ومسائلتة هل هناك مواجهة بين السلطة والصحافة ؟حيث قال أن حبس هذا العدد الضخم من رؤساء التحرير فى

يوم واحد معنى ذلك أن هناك تعجل ومذبحة شديدة لأزاحة هذة الصحف وهذة النوعية من الصحافة الموجود

حاليا على الساحة ويصرح بأن النوعية من هذة الصحافة مستهدفة وليست هذة القضايا فقط بل متيقن بأن يوجد

مجموعة من القضايا المستقبلية وهناك عملية واسعة من اغتيال الصحافة فى الأيام المقبلة وكل يوم خطوة جديدة

ان لنا 63 قضية فى المحكمة قضا يا معظمها ظباط شرطة اتهمناهم بالتعذيب وبعضها من داخل المسئولين من

داخل السلطة هناك بالفعل مواجهة بين السلطة والصحافة وسوف تنتصر فيها الصحافة حتى لو دخلنا السجون .

واليكم الصوربعد الملتقى

رسومات كاركاترية عن قمع حرية الصحافة

أبراهيم عيسىوصحافين ومصورين جريدة الدستور

الحضور جميعا

وفى الخارج تجمع الصحافين والمدونين ورؤساء التحرير والتقاط الصور التذكارية .

قضيت وقت تمام الواحد كان مستمتع بجو الشعر خصو صا أيمان بكرى أنا بحبها جدا متألقة دايما وكان جوالمحبة مابين كل الناس
كان شعور ممتاز

تغطية أعتصام موظفين العقارية

2007-10-21T19:27:00.000+02:00

بسم الله الرحمن الرحيم

لافتة تحمل عمال الضرائب العقارية

أنا أسفة أتأخرت عليكم كثير بس أدينى رجعت بأعتصام موظفين مصلحة الضرائب اليوم

أمام وزارة المالية بدأ الأعتصام بصورة هادئة ثم تحول الى تجمع هائل من العمال والموظفين ومن أحد

موظفوا الضرائب العقارية يقول أننا تائهون بين وزارة المالية والمحليات بدأ أعتصام موظفى الضرائب

العقارية الذى بدألأول مرة فى محافظة الجيزة فى 10/9/2007 ثم أنتقل الى الدقهلية فى 25/9/2007 وأمتد

الى بنى سويف فى 1/10/2007 ووصل الأن الى مرحلة الأضراب عن العمل فى القاهرة أمام وزارة المالية .

ويقول أيضا بأن الموظفين قاموا بتقديم بلاغ الى المستشار عبد المجيد محمود النائب العام ضد أسماعيل عبد

الرسول رئيس المصلحة بتهمة السب والقذف وأذاعة أرقام وبيانات غير صحيحة حيث تم نشرها بجريدة

الأخبار بتاريخ 12/9/2007 وبأن جملة أجور وحوافز موظف الضرائب العقارية بالجيزة وعددهم

1900موظف مختلف الدرجات المالية يزيد عن عشرين مليون جنية شهريا بمتوسط أجر يتراوح بين 1200و

1500جنية شهريا بالأضافة الى مايحصلون علية من بدالات أنتقال وغيرها من البدلات .

بينما الواقع يؤكد بالمستندات أن مديرية الجيزة تضم 1989 عاملا يصرفون سنويا 5 ملايين جنيها و488 ألف

جنية مرتبات ومليون و540 ألف جهود غير عادية سنويا ومليون و 470 ألف ثابت سنويا وأن أجمالى

المنصرف يبلغ تسعة ملايين و508 ألاف جنيها سنويا للعاملين بمديرية الجيزة بمتوسط أجمالى راتب الفرد 350 جنيى شهريا.

ويقول أحد عمال مصلحة الضرائب المعتصمين أمام الوزارة ومنعهم لموظفين وزارة المالية من الخروج من

المبنى ومن أسباب وقفتهم الأحتجاجية تدنى اوضاعهم المالية واستمرار فصلهم عن وزارة المالية وتبعيتهم

للمحليات مقارنة بزملائهم بوزارة المالية حيث يوجد أرتفاع فى المرتبات والحوافز على العكس مع موظفين

مصلحة الضرائب وذلك نتيجة تبعيتهم للمحافظات علما بأن الموظفين فى هذا القطاع يقوموا بتحصيل 44 نوعا

من الضرائب لكنهم لا يتقاضون مكافأة سنوية تقدر بتسعة أشهر على كل شهر مما يمثل ظلما وتفاوتا بين

العاملين وهو مما يعد أخلال بنصوص الدستور الذى يساوى بين الموظفين. بينما أجور العاملين بالضرائب

العقارية لا تتناسب أمام المجهود الكبير الذى يبزلونة والتى لاتكفى لقضاء أبسط متطلباتهم المعيشية مما

أضطر معظم العاملين الى اللجوء الى أعمال مهلكة بعد أ نتهاء مواعيد العنل الرسمية لكى يشتروا طعام يومهم

ولقد تدخل الأمن وحدثت ملابسات بسن عساكر الأمن المركزى وبين المعتصمين وانتشرت الهتافات على

ومنها إسماعيل عبد الرسول، شافط حقي على طول"، "الضرائب العقارية، ليه متسابه وليه منسية"، "قولوا ليوسف

بطرس غالي، انزل من برجك العالي"، "موظفين موظفين، ياما باتوا جعانين"، "لا ملامة لا ملامة، أين حافز

الغرامة"، "يا وزير قول الحق، إحنا مالية ولا لأ"، "يا وزير يا وزير، فين كلامك الحكيم"، "يا وزير يا وزير، جينا

نطالب بالتعديل". . جانبى اللبوابتين لوزارة المالية

وأحد الموظفين يدعى أسماعيل محمد أعطانى ورقة بها بيانات وبمستندات أنا حاولت أختصر منها

ودى شوية هتافات من الل اتقالت على قد ملحقت أكتب

ومنها إسماعيل عبد الرسول، شافط حقي على طول"

، "الضرائب العقارية، ليه متسابه وليه منسية"، "قولوا ليوسف

بطرس غالي، انزل من برجك العالي"

، "موظفين موظفين، ياما باتوا جعانين"

، "لا ملامة لا ملامة، أين حافز الغرامة"

، "يا وزير قول الحق، إحنا مالية ولا لأ"،

"يا وزير يا وزير، فين كلامك الحكيم"

، "يا وزير يا وزير، جينا نطالب بالتعديل". .

حاولت أصور فيديو الميمورى كان معجز خالص بس هتتظبط وبعد كدا هصور بكاميرا ديجيتال علشان تساعدنى

اناهردةكان يوم كلة أكشن من أولة رحت المعهد بتاعى الصبح الحمد لله المينى باص الكاوتش فرقع نزلت أنا وصحابى ركبنا تاكس خبط فى عربية قدام المعهد بعد كدا رحت المظاهرة ظابط الشرطة زعقلى علشان كنت بصورة وهو بيزق موظف من المعتصمين جرى ورايا وقالى الصورة متنزلش وشخط فيا بس على مبن بس بجد صوتوا كان قوى بس على نفسة وبعد كدا واحنامروحين بعد ممشيت من الأعتصام لقيت عربية جيش عليها واحد ماسك فى مساحات العربية تقريبا بيطارد ملحقتش أصورليكما

تم أخلاء سبيل عبد الرحمن فارس من نيابة أمن الدولة

2007-10-15T12:24:00.000+02:00

وصلنى خبر أخلاء سبيل أخى العزيز عبد الرحمن فارس صاحب

منة شخصيا والحمد لله أطمئنت القلوب علية

مدونة لسانى هو القلم ولاكن قبل ذلك سيتم عرضة على أمن الدولة وهذا

يفعلوة دائمامع أى نا شط لة صلة بالأخوان ولاكن يوجد سبب متخفى

بشأن حملتة الأخيرة بالمدونة وهى

هنقلبها عليهم وهنراقب أمن الدوله زي ما بيراقبونا

وأريد أن أصلح:

المعلومات الخاطئة التى ترددت فى بوستات المدونين بأن عبد الرحمن

أخوان لاكن على حد معرفتى بية وبصديقة محمد خيرى أنة ترك

الأخوان من 10 سنين تقريبا وهو الأن عمرة 26 سنة وأصبح ليبرالى و

أهلة وأقاربة جميعا من الأخوان الا هو... أنة من محبى الأخوان

وسبب الظاهرى حتى الأن أنة تم القبض علية أثر توزيعة لمنشورات

تهنئة الأخوان با لعيد للمصلين وذلك لمساعدة خالة عضو مجلس الشعب

بالفيوم الأستاذ حسن يوسف وشاءت الأقدار بأخذة وهو يوزع المنشورات

أن عبد الرحمن من ضمن الشباب الواعين والنشطاء سواء مع الأخوان

أو غيرهم وليس بهذا تبرير ولاكن توضيحا للأمور فقط ولو حتى هوأخوان كلنا واحد مهما كان الأتجاة

ولم يتعرض لضرب أو ماشابة بل أنذارات نحوحملتة الذى أقامها بالمدونة وبعد ذلك خرج بحمد لله

تهنئ الشرطةالأخوان والنشطاء بعيد الفطر بطريقة خاصة

2007-10-14T00:32:00.000+02:00

لقد تم أعتقال صاحب مدنة لسانى هو القلم (عبد الرحمن فارس) بعد صلاة العيد مباشرة

تم عرض عبدالرحمن على النيابة المسائية بالفيوم فى أول أيام عيد الفطر

يبدو أن النيابة لم تكن تملك القرار فى حبسه أو الإفراج عنه فقررت تأجيل عرضه حتى يوم غد

ثانى أيام عيد الفطر

وقد وجهت النيابة له تهمة توزيع منشورات تهدف لإثارة الشعب وقلب نظام الحكم كالعادة

ولقد علمنا من صاحب مدونة جر شكل (محمد خيرى) مدون زميل لعبد الرحمن يقطن بالفيوم أيضا

لم يتعرض عبدالرحمن لأى إهانات أو ضرب أو تعذيب حتى الآن أنة

إلا أن حالة السجن المحبوس فيه عبد الرحمن هى فى حد ذاتها تعذيب حيث لا يصلح السجن للحيوانات أعزكم الله

تجدد له النيابة الحبس على ذمة التحقيق لمدة خمسة عشر يوما فهذه هى عادة نيابة الفيوم مع

معتقلى الإخوان والنشطاء

وعلى الرغم من أن معتقلى سنورس وطامية فى أول أيام العيد قد أخذوا قرارت إفراج إلا أنه لم يتم الإفراج عنهم

بعد وربما يصدر لهم قرارات إعتقال

هذا وعبد الرحمن يرسل لكم من محبسه تهانيه بالعيد ويسأل الله العلى القدير أن يوفقنا جميعا إلى ما يحبة

ويرضاة

وهذا لينك مدونتة

http://chabfares.arwp.net/

فرج الله كربك ياعبد الرحمن

صرخات ضحايا التعذيب

2007-10-13T16:27:00.000+02:00

بسم الله الرحمن الرحيم

كل سنة وانتم طيبين

ويارب كون عيد سعيد على الأمة الأسلامية أجمع

دا أول بوست أكتبة بعد الأحتجاب

أولا هتكلم عن فيلم وثائقى أسمة صرخات لثلاث حالات تعرضت

للتعذيب حالتين منهم بالمنصورة فى شباب هايلين جدا شباب

بيشتغلوا بجد تعبوا علشان الفيلم يطلع بالمنظر الجميل دا

وأنا سعدت جدا بالمشاركة معاهم لأنهم جماعة متعاونة جدا وربنا

يوفقنا جميعا

ضحايا بسطاء تعرضوا إلى العنف والتعذيب من قبل جلادين الشرطة فمن هان عليه حياة الإنسانية هان عليه أن يسحق هذه الحياة بلا اكتراث يذكر
و نأمل للضحايا يوماً ليروا معنا فجراً هو أبداً ليس ببعيد
فجراً لن يشاركنا فيه الجلادون لأنه سيكون فجر نهايتهم

محاور / أحمد الجيزاوى
تصوير / منذر
تعليق صوتى / أيناس حسنى
أخراج و مونتاج / ميدو مجدى
أنـتـاج / أبناء مصر

وطبعا الجندى المجهول دا ئما تامر اللى تعب كثير مع ميدو فى الفيلم

كل عام وأنتم بخير

2007-10-13T01:47:00.000+02:00

بسم الله الرحمن الرحيم

كل سنة وأنتم طيبين

دى أول مدونة ليا على بلوج سبوت كان عندى مدونة على مكتوب وتركتها لأن المدونة

بقالها يومين محجوبة ومش عارفة أدخل عليها وطبعا السبب من أصحاب مكتوب

والسيرفر اللى اللى بيوقع المدونة كل شوية ودا اللينك بتاعى القديم للى عايز يتابع يشوف

مدونتى السابقة واللى كنت بكتبة وداطبعا للناس اللى مش عارفانى بس أن شاءالله هكمل هنا

ودا اللينك القديم

http://alfekeralsagen@maktoobblog.com

المدونة هتبقى زى القديمة فى أسلوبى كتابتى وفى نشاطى لأنى طبعا متغيرتش أنا شخصيا

وبقول لكل أصحابى ولكل المدونين كل سنة وأنتم طيبين وعيد سعيد عليكم يارب

ويارب العيد الجاى نشوف الدنيا سلام والحياة كلها تبقى كلها صفاء ونقاء ونفوق من غفلتنا

ونشيل الشريط الأسود من على عنينا ونصفى قلوبنا من بعض ولا نشيل ولانزعل من حد

أحنا كلنا أخوات عارفين أنا قلت لية كدا لأن الموضوع زاد أوى والناس بقت تزعل من

بعض بسرعة ومعنى التسامح أتشال من حياتنا ياريت الصفة دى ترجعلنا ثانى

مش معنى كدا أنى ملاك أكيد بيجى عليا وقت وبزعل من صحابى واى حد من أهلى بس

برجع ثانى وأسامح من كلمة واحدة

الحمد لله على الصفة دى ربنا أنعمنى بيها اللى بتكتبلكم دلوقتى جواها طموحات كثير وأفكار

كثير بتسعى لتحقيقها وأكيد هتعرفوها أو عرفتوها من خلال كتاباتى أنا هدفى أنى أشوف

مصر أم الدنيا بجد مش كلامة وبتتقال وهعمل على قد ماقدر وفى شباب كثير أهدافهم زى

و كمان وبدعى ربنا أنى على طاعتة أدوم وينور دربى

وبأذن الله وبكل جهدى هقدم ليكم نشاط بلا حدود والبوستات القادمة تنال أعجابكم

وكل عام وانتم بخير